قومی ویمن کرکٹ ٹیم دورہ بنگلہ دیش کے لیے روانہ -
The news is by your side.

Advertisement

قومی ویمن کرکٹ ٹیم دورہ بنگلہ دیش کے لیے روانہ

لاہور: پاکستان ویمن کرکٹ ٹیم دورہ بنگلہ دیش کےلیے روانہ ہوگئی جہاں قومی ٹیم 4 ٹی ٹوئنٹی میچوں کی سیریز اور 1 ون ڈے میچ کھیلے گی۔

تفصیلات کےمطابق پاکستان ویمن کرکٹ ٹیم جویریہ ودود کی قیادت میں دورہ بنگلہ دیش کےلیے روانہ ہوگئی جہاں ٹیم 4 ٹی ٹوئنٹی اور ایک ون ڈے میچ کھیلے گی۔

قومی ویمن کرکٹ ٹیم دورہ بنگلہ دیش کے لیے لاہور کے علامہ اقبال انٹرنیشنل ایئرپورٹ سے غیرملکی پرواز کے ذریعے براستہ دبئی بنگلہ دیش پہنچے گی۔

بسمہ معروف سرجری کے باعث اسکواڈ میں جگہ نہ بناسکیں۔ ویمن کرکٹ ٹیم 15 رکنی اسکواڈ پرمشتمل ہے۔

قومی ویمن کرکٹ ٹیم بنگلہ دیش کے خلاف ٹی ٹوئٹی میچز 1 ،3 ،4، اور 6 اکتوبر کو کھیلے گی جبکہ واحد ون ڈے 8 اکتوبرکو کھیلا جائے گا۔

قومی ویمن کرکٹ ٹیم کی قیادت ملنا فخر ہے‘ جویریہ ودود

یاد رہے کہ گزشتہ روز قومی ویمن کرکٹ ٹیم کی کپتان جویریہ ودود کا کہنا تھا کہ پی سی بی نے جس اعتماد کا اظہار کیا ہے وہ اس پرپورا اترنے کی کوشش کریں گی۔

قومی ویمن کرکٹ ٹیم کی کپتان کا کہنا تھا کہ بنگلہ دیش کے بعد ملائیشیا میں آسٹریلیا اور پھرویسٹ انڈیز میں ورلڈکپ کھیلنا ہے جہاں اچھے نتائج دینے کے لیے پورا زور لگائیں گے۔

Comments

comments

یہ بھی پڑھیں