The news is by your side.

Advertisement

ویمنز ٹی 20 ایشیا کپ کے لیے 15 رکنی قومی ٹیم کا اعلان

رپورٹ: محمد مزمل آصف

کراچی: پاکستان کرکٹ بورڈ نے ایشیا کپ ٹی ٹوئنٹی کے لیے ویمنز کرکٹ ٹیم کا اعلان کردیا، چیف سلیکٹر جلال الدین کا کہنا تھا کہ مسقبل میں سینٹرل کنٹریکٹ کے لیے میکینزم بنایا جائے گا جس کے تحت کارکردگی کا جائزہ لے کر ہی فیصلہ کیا جائے گا۔

کراچی کے نیشنل اسٹیڈیم میں میڈیا سے گفتگو کرتے ہوئے ویمنز ٹیم کے چیف سلیکٹر جلال الدین کا کہنا تھا کہ ٹی ٹوئنٹی ایشیا کپ یکم جون سے 11 تاریخ تک ملائیشیا میں کھیلا جائے گا جس کے لیے ہماری ٹیم مکمل طور پر تیار ہے۔

اُن کا کہنا تھا کہ ٹیم کی قیادت بسمہ معروف کے سپرد کی گئی ہے جبکہ وکٹ کپینگ کے لیے سدرہ نواز کو منتخب کیا گیا چونکہ ملائیشیا کی پچ اسپن باؤلنگ کے لیے سازگار ہے اسی باعث اسکواڈ میں پانچ اسپنیرز  کو شامل کیا گیا جن میں سے تین ریگولر جبکہ 2 آل راؤنڈر ز ہیں۔

چیف سیلکٹر کا کہنا تھا کہ ایشیا کپ میں ہمارے چار میچ ہیں جن میں سے 9 جون کا مقابلہ انتہائی اہم ہے کیونکہ اس میں روایتی حریف بھارت کی ٹیم مقابلے کے لیے ہمارے مدِ مقابل میدان میں اترے گی۔

ایک سوال کے جواب میں جلال الدین کا کہنا تھا کہ مستقبل میں ٹیم کو مضبوط بنانے کے لیے بورڈ نے پروگرام ترتیب دیے ہیں، پی سی بی نے میکنزم ترتیب دیا ہے جس پر جلد عمل شروع ہوجائے گا۔

اُن کا کہنا تھا کہ جن کھلاڑیوں کی فٹنس، بیٹنگ، فیلڈنگ اور کارکردگی بہتر ہوگی وہی صرف سینٹرل کنٹریکٹ حاصل کرسکیں گی، اس اقدام کا مقصد ٹیم کو مضبوط بنانا ہے۔

اسکواڈ

بسمہ معروف، منیبہ علی صدیقی، بی بی ناہیدہ، جویریہ رؤف، سیدہ نین فاطمہ عابدی، عمیمہ سہیل، جویریہ ودود، سدرہ نواز، ندا راشد، کائنات امتیاز، ثنا میر، نشرا سوندھو، انعم امین، نتالیا پرویز اور دانیا بیگ شامل ہیں علاوہ ازیں فریحہ محمود، رمین شمیم، فضیلہ اخلاق ، عالیہ ریاض اور صبا ناز کو  متبادل کھلاڑیوں کی طور پر  رکھا گیا۔

ویمنز ٹی ٹوئنٹی ایشیا کپ میں پاکستان، سری لنکا، بھارت، بنگلا دیش، تھائی لینڈ اور ملائیشیا کی ٹیمیں کھیل جمائیں گی،  ٹائٹل کے مقابلے 3 سے 10 جون تک کوالالمپور میں کھیلے جائیں گے جبکہ فائنل میچ 10 جون کو ہوگا۔

واضح رہے کہ بھارتی ویمنز ٹیم نے 2016 میں منعقدہ ٹی ٹوئنٹی ایشیا کپ فائنل میچ میں پاکستان ویمنز ٹیم کو 17 رنز سے ہرا کر ٹائٹل اپنے نام کیا تھا۔

Comments

comments

یہ بھی پڑھیں