انگلینڈ کے خلاف پہلے ٹی 20 میچ میں قومی ٹیم کی کپتان ندا ڈار کی ایک غلطی نے گرین شرٹس کی کامیابی کی جانب رواں کشتی کو ڈبو دیا۔
پاکستان اور انگلینڈ کی ویمنز ٹیموں کے درمیان پہلا ٹی ٹوئنٹی میچ گزشتہ روز کھیلا گیا جو 53 رنز سے انگلش ٹیم نے اپنے نام کیا۔
انگلش ٹیم نے پہلے بیٹنگ کرتے ہوئے قومی ٹیم کو جیت کے لیے 164 رنز کا ہدف دیا، جس کے تعاقب میں پاکستان نے 10.4 تین وکٹوٓں کے نقصان پر 79 رنز بنا لیے تھے کہ اس موقع پر کپتان ندا ڈار کی غلط کال پر صدف شمس رن آؤٹ ہو گئیں۔ انہوں نے 35 رنز بنا رکھے تھے۔
یہی رن آؤٹ میچ کا ٹرننگ پوائنٹ ثابت ہوا اور پاکستان کی فتح کی جانب گامزن کشتی ہچکولے کھاتے ہوئے شکست کے سمندر میں جا ڈوبی۔
گرین شرٹس کی آخری سات وکٹیں صرف 31 رنز کے اسکور پر گر گئیں اور پوری ٹیم 18.2 اوورز میں 110 رنز پر ڈھیر ہوگئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں