پاکستان کی فتح، دبئی میں ریلی، زندہ باد کے نعرے Pakistan Zindabad
The news is by your side.

Advertisement

پاکستان کی فتح، دبئی میں جشن، زندہ باد کے نعرے

دبئی: لندن میں سرفراز الیون کی شاندار فتح کے بعد دبئی میں مقیم پاکستانی باشندے ریلی کی صورت میں سڑکوں پر نکل آئے اور قومی ٹیم کی فتح کا خوب جشن منایا۔

تفصیلات کے مطابق آئی سی سی چیمپئنز ٹرافی کے فائنل میں پاکستان کے ہاتھوں بھارت کو عبرتناک شکست کے بعد دنیا بھر میں مقیم پاکستانی باشندے فتح کا جشن منانے لگے۔

آئی سی سی چیمپئنز ٹرافی میں فتح حاصل کرنے والی سرفراز الیون نے ایک بار پھر پاکستانیوں کا سر دنیا بھر میں فخر سے بلند کردیا اور فائنل میں بھارت کو عبرتناک شکست دے کر ٹائٹل اپنے نام کیا۔

پڑھیں: بھارت کو 180 رنز سے شکست، پاکستان کرکٹ کا چیمپئن بن گیا

پاکستانی ٹیم کے کپتان سرفراز احمد نے جیت کے بعد گفتگو کرتے ہوئے کہا کہ اب کوئی نہیں کہہ سکتا کہ ہم بھارت کو نہیں ہرا سکتے، انہوں نے فتح کا سہرا ٹیم مینجمنٹ اور نوجوان کھلاڑیوں کو دیا۔

ویڈیو دیکھیں

جہاں دنیا بھر میں پاکستانی باشندے خوشیاں منا رہے ہیں وہی دبئی میں مقیم پاکستانی بھی کسی سے پیچھے نہ رہے، سرفراز الیون کی فتح کے فوری بعد پاکستانیوں کی بڑی تعداد دبئی کے علاقے مینا بازار کی سڑکوں پر ریلی کی صورت میں نکل آئے اور وہاں کی فضاء پاکستان زندہ باد کے نعروں سے گونج اٹھی۔

Comments

comments

یہ بھی پڑھیں