site
stats
پاکستان

کشمیری طالبات بھارتی فوج کے مد مقابل، پاکستان زندہ باد کے نعرے

سری نگر : مقبوضہ کشمیر میں سوشل میڈیا کی پابندی کے بعد آزادی کے جذبے سے سرشار طالبات بھارتی فورسز کے مد مقابل آگئیں اور پاکستان زندہ باد کے نعرے بلند کیے۔

تفصیلات کے مطابق مقبوضہ کشمیر میں بھارتی فوج کی جارحیت کے خلاف جہاں نوجوان، بزرگ اور خواتین بھی سراپا احتجاج ہیں وہیں اسکول کی معصوم طالبات بھی اپنی سرزمین کی حفاظت اور بھارتی ناجائز قبضے کے خلاف سڑکوں پر نکل آئی ہیں اور اسکول یونیفارم میں ملبوس ان طالبات نے بھارت مردہ باد کے نعرے بلند کیے۔

آزادی کی جنگ میں اپنے بھائیوں کے شانہ بشانہ مقبوضہ کشمیرمیں اسکول اور کالج کی طالبات بھی بھارتی فوجیوں کےسامنے ڈٹ گئیں اور پاکستان زندہ باد کے نعرے بلند کرتی رہیں جس پر بھارتی فوج نے نہتی طالبات پر آنسو گیس کے گولے داغے اور ہوائی فائرنگ کی گئی۔

بھارتی فوج کی ہوائی فائرنگ اور آنسو گیس کی شیلنگ سے کئی طالبات زخمی ہونے کی باوجود اسلحہ سے لیس بھارتی فوجیوں کے سامنے ڈٹ گئیں اور بھارتی فوج کی گولی کا جواب پتھر سے دیا۔

دوسری جانب مقبوضہ کشمیر کے ایک کالج میں طالب علموں کی جانب سے ایڈمنسٹریشن بلاک پر پاکستانی پرچم لہرا دیا گیا اس موقع پر طلبا کے پاکستان زندہا باد کے نعروں سے فضا گونج اٹھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top