شوبز انڈسٹری سے وابستہ پاکستانی اداکارہ حمائمہ ملک نے اپنی نامناسب جعلی تصاویر شیئر کرنے والوں کو خبردار کردیا۔
پاکستانی شوبز انڈسٹری سے منسلک اداکار فیروز خان کی بہن اور خوبرو اداکارہ حمائمہ ملک کی کچھ روز قبل انٹرنیٹ پر نامناسب تصاویر وائرل ہوئی تھیں، جس پر اداکارہ نے شدید برہمی کا اظہار کیا ہے۔
جعلی تصاویر وائرل کرنے والوں پر اداکارہ حمائمہ ملک نے شدید غصے کا اظہار کرتے ہوئے ویڈیو و فوٹو شیئرنگ ایپلی کیشن انسٹاگرام پر اسٹوری شیئر کی، جس میں انہوں نے نامناسب تصاویر شیئر کرنے والوں کو دھمکی دی ہے۔
اداکارہ نے کہا کہ یہ انتہائی شرمناک حرکت اور کیسے کوئی اس طرح کی حرکت کرسکتا ہے؟ کہ میری جعلی بیہودہ تصاویر سوشل میڈیا پر وائرل کرے۔
انہوں نے تصویریں شیئر کرنے والوں کو خبردار کرتے ہوئے کہا کہ برائے مہربانی ان تصاویر کو فوری طور پر ڈیلیٹ کردیا جائے، ورنہ میں اس کے خلاف قانونی کارروائی کروں گی۔
