site
stats
انٹرٹینمںٹ

پاکستانی اداکار بالی ووڈ کا بائیکاٹ کریں،حمزہ علی عباسی

اسلام آباد : معروف اداکار حمزہ علی عباسی نے پاکستانی اداکاروں سے بھارتی فلم انڈسٹری بالی ووڈ کا بائیکاٹ کرنے کی اپیل کرتے ہوئے پاکستانی عوام سے بھارتی ڈرامے اور فلمیں نہ دیکھنے کی درخواست کی ہے۔

سماجی رابطے کی ویب سائیٹ فیس بک پر جاری کیے گئے اپنے ایک پیغام میں حمزہ علی عباسی کا کہنا تھا کہ بھارت پاکستان کا پانی بند کرنے کی دھمکی دے رہا ہے اور نہتے کشمیریوں کو بربریت کا نشانہ بنا رہا ہے جب کہ آج لائن آف کنٹرول پر بلا اشتعال فائرنگ کرکے دو پاکستانی جوانوں کو بھی شہید کردیا ہے،اس لیے اب وقت آگیا ہے کہ پاکستان سے بھارت جانے والے ایک ایک اداکار کو بھارتی فلم انڈسٹری کا مکمل بائیکاٹ کردینا چاہیے اسی طرح پاکستانی عوام کو بھی چاہیے کہ بھارتی فلمیں اور ڈرامے دیکھنا بند کردیں۔

یاد رہے بھارتی انتہا پسندوں کی جانب سے بھارت میں مقیم پاکستانی اداکاروں کو 48 گھنٹے کے اندر اندر ملک چھوڑنے کی دھمکی کے بعد کئی فنکار وطن واپس لوٹ آئے ہیں جن میں سے فواد خان اور مائرہ خان اپنی زیر تکمیل فلموں ‘اے دل ہے مشکل ‘ اور ‘رئیس’ میں بالترتیب مرکزی کردار ادا کر رہے تھے تا ہم یہ دونوں اداکار بھی پاکستان واپس آچکے ہیں۔

واضح رہے گزشتہ شب ڈھائی بجے بھارتی فوج کی جانب سے لائن آف کنٹرول پر بلا اشتعال فائرنگ کی گئی تھی جس کے بعد دو پاکستانی فوجیوں نے جام شہادت نوش کیا جب کہ 9 فوجی زخمی ہوگئے تھے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top