لاہور : اداکارہ وینا ملک نے شادی کے چار برس بعد اپنے شوہر اسد خٹک سے خلع لے لیا۔
ذرائع کے مطابق 4 برس قبل دھوم دھام سے شادی کرنے والی اداکارہ وینا ملک نے اپنے شوہر اسدخٹک سے خلع لے لیا ہے، اداکارہ وینا ملک نے اپنے شوہر سے خلع کے لئے لاہور کی فیملی کورٹ میں درخواست دائرکی تھی۔
فیملی جج قیصر جمیل گجر نے درخواست پر فیصلہ دیتے ہوئے31 جنوری 2017کو اداکارہ کے حق میں ڈگری جاری کر دی۔
عدالتی ذرائع کے مطابق اسد خٹک کی عدم پیروی پر عدالت نے یکطرفہ فیصلہ سنایا، وینا ملک اور اسد میں کافی عرصے سے لڑائی جھگڑے کی اطلاعات تھیں۔
ادکارہ وینا ملک اور اسد خٹک کی شادی 25دسمبر 2013 کو دبئی میں ہوئی تھی، ان کے دو بچے ہیں، جو اس وقت وینا ملک کے پاس ہیں، لیکن تاحال بچوں کی حوالگی کے حوالے سے کوئی خبر سامنے نہیں آ سکی ہے۔
عدالتی فیصلے کے بعد وینا ملک اڑھائی لاکھ درہم کے حق مہر کا پچیس فیصد واپس کرنے کی پابند ہوں گی۔
