کشمیریوں کی اخلاقی و سفارتی حمایت جاری رکھیں گے، پاکستانی سفیر
The news is by your side.

Advertisement

کشمیریوں کی اخلاقی و سفارتی حمایت جاری رکھیں گے، پاکستانی سفیر

ریاض : سعودی عرب میں پاکستانی سفیر منظور الحق نے کہا ہے کہ پوری امت مسلمہ اپنے کشمیری بھائیوں کے حق خودارادیت کے لیے ان کے ساتھ کھڑی ہے اور تحریک آزادی کشمیر کی اخلاقی اور سفارتی حمایت جاری رکھے گی۔

یہ بات انہوں نے ریاض میں واقع پاکستانی سفارت خانے میں یوم یکجہتی کشمیر کے حوالے سے منعقد کی گئی تقریب سے خطاب کرتے ہوئے کہی، انہوں نے کہا کہ مسئلہ کشمیر گزشتہ 70 برسوں سے حل طلب ہے۔

سعودی عرب میں پاکستانی سفیر نے کہا کہ مسئلہ کشمیر کو اقوام متحدہ کی سلامتی کونسل کی قراردادوں کی روشنی میں حل کیا جانا چاہیے تاہم بھارت کی ہٹ دھرمی کے باعث یہ انسانی المیہ ہنوز تعطل کا شکار ہے۔

پاکستانی سفیر منظور الحق نے کہا کہ پاکستان آزدی کشمیر کے حصول کے لیے ہمیشہ اپنے کشمیریوں بھائیوں کی اخلاقی اور سیاسی مدد کرتا رہے گا اور اپنے مظلوم کشمیریوں کا مسئلہ عالمی سطح پر اُٹھاتا رہے گا۔

اس موقع پر انہوں نے جموں وکشمیر کے مسلمانوں سے اظہارِ یکجہتی اور ان کے حقِ خودارادیت کی حمایت میں قراردار پیش کی گئی جسے شرکاء نے متفقہ طور پر منظور کر لیا آکر میں انہوں نے سعودی عرب کا کشمیریوں کے حق خودارادیت اور پاکستانی نقطہ نظر کی حمایت کرنے پر شکریہ ادا کیا اور دعا کی کہ اللہ تعالٰی ہمیں وہ دن جلد دیکھنا نصیب کرے جب کشمیر آزاد ہو.۔

Comments

comments

یہ بھی پڑھیں