تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

’پاکستان کو طویل المدتی امریکی تعاون کی ضرورت ہے‘

امریکا میں پاکستان کے سفیر مسعود خان نے کہا ہے کہ پاکستان کو موسمیاتی تبدیلی کے چیلنج سے نمنٹنے کیلیے طویل المدتی امریکی تعاون کی ضرورت ہے۔

واشنگٹن میں پاکستانی امریکن پریس ایسوسی ایشن کے زیر اہتمام تقریب ہوئی جس میں دونوں ممالک کے صحافیوں، امریکی محکمہ خارجہ کے حکام اور ممتاز پاکستانی تارکین وطن نے شرکت کی۔

تقریب سے خطاب کرتے ہوئے امریکا میں پاکستانی سفیر مسعود خان نے ملک میں حالیہ سیلاب سے ہونے والی تباہی پر روشنی ڈالی جس نے 16 ملین بچوں سمیت 33 ملین افراد کو متاثر کیا اور زمین کا ایک تہائی حصہ زیر آب آیا ہے اور پاکستان کو سیلاب متاثرین کی بحالی اور تعمیر نو کے حوالے سے درپیش چیلنجز سے آگاہ کیا۔

مسعود خان نے کہا کہ ہم امن میں شراکت دار رہے ہیں، مل کر جنگیں لڑی ہیں، کوئی بھی ملک موسمیاتی تبدیلی کے اثرات سے محفوظ نہیں، فلوریڈا اور ملحقہ ریاستوں میں سمندری طوفان سے تباہی ہوئی ہے، موسمیاتی تبدیلی کے چیلنج سے نمنٹنے کیلیے ہمیں طویل المدتی امریکی تعاون کی ضرورت ہے، پاکستان اور امریکا کو مل کر اس چیلنج کا مقابلہ کرنے کی ضرورت ہے۔

ان کا مزید کہنا تھا کہ امریکا میں پاکستانی میڈیا دونوں ممالک کو قریب لانے میں اہم کردارادا کر رہا ہے۔

تقریب سے اسٹیٹ ڈیپارٹمنٹ کے ڈائریکٹر ساؤتھ اینڈ سینٹرل ایشیا پریس اینڈ پبلک ڈپلومیسی مولی اسٹیفنسن نے بھی خطاب کیا اور پاک امریکا کے درمیان تعاون کے مختلف شعبوں پر روشنی ڈالنے کے ساتھ سیلاب متاثرین کے لیے امدادی سرگرمیوں میں امریکی تعاون کو اجاگر کیا۔

Comments

- Advertisement -