سعودی عرب میں پاکستانی سفیرکا ’حج مشن‘ کے انتظامات پراظہارِاطمینان -
The news is by your side.

Advertisement

سعودی عرب میں پاکستانی سفیرکا ’حج مشن‘ کے انتظامات پراظہارِاطمینان

مکہ مکرمہ: سعودی عرب میں تعینا ت پاکستانی سفیر، وطن عزیز سے فریضہ حج کی ادائیگی کے لیے جانے والے عازمینِ حج کے لیے ’حج مشن‘ کے تحت کیے جانے والے اقدامات کا جائزہ لینے کے لیے مکہ پہنچ گئے۔

تفصیلات کے مطابق گزشتہ روز سعودی عرب میں تعینات پاکستانی سفیر ہشام بن صدیق نے مکہ مکرمہ میں پاکستانی حجاج کرام کے حج مشن کے انتظامات کا جائزہ لینے کے لیے دورہ کیا مکرمہ کا دورہ کیا۔ اس موقع پر قونصل جنرل شہریار اکبر خان اور ڈائریکٹر جنرل حج ساجد یوسفانی بھی ان کے ہمراہ موجود تھے۔

ہشام بن صدیق نے پاکستانی حجاج کرام سے ملاقات کی اور انتظامات کے بارے میں معلومات حاصل کریں۔انہوں نے حج مشن اسپتال کا دورہ بھی کیا. مریضوں نے ہسپتال میں طبی سہولیات اور طبی عملے کے علاج کے بارے میں اطمینان کا اظہار کیا۔

اپنے اس مختصر دورے میں سفیرنے مکہ میں حجاج کی رہائش گاہوں پر جا کر ان سےملاقات کی ، حج کے لیے آئے ہوئے پاکستانی رہائشیوں نے حکومت کی جانب سے فراہم کردہ رہائش اور کھانے کے معیار پر اطمینان کا اظہار کیا۔

اس موقع پر ڈائریکٹر حج امتیاز شاہ نے حج انتظامات کے بارے میں پاکستانی سفیرکو بریفنگ دیتے ہوئے بتایا کہ اب تک 76،000 پاکستانی حجاج سعودی عرب پہنچ چکے ہیں۔ حجاج کی شکایات پرفوری عمل درآمد کے لیے شکایت ہینڈلنگ میکانزم موجود ہے۔ا

نہوں نے بتایا کہ عازمین ِ حج کے لیے قائم کردہ فیلڈ اسپتال میں گیارہ ہزار حاجیوں کا علاج کیا ہے اورضرورت مندوں میں وہیل چیئرز تقسیم کی ہیں۔ انتظامات کا جائزہ لینے کے بعد پاکستانی سفیر ہشام بن صدیق نے بہترین انتظامات کے لئے حج مشن کی کوششوں کی تعریف کی اور معیار کو برقرار رکھنے پر زور دیا۔

خیال رہے کہ  سعودی عرب  کے شہرمکہ معظمہ کے گورنر شہزادہ خالد الفیصل نے حج 1439 کے آپریشنل منصوبے کا اعلان کرتے ہوئے بتایا کہ رواں برس حج کے دوران دنیا بھر سے آنے والے عازمین حج کی خدمت کےلیے 14 ہزار اہلکار اور 4 سو گاڑیوں کو تعینات کیا گیا ہے۔

واضح رہے کہ عازمین حج کی روانگی کا سلسلہ جو14 جولائی سے شروع  ہوا تھا، وہ 15اگست تک جاری رہے گا، جبکہ فریضہ حج کی ادائیگی کے بعد حاجیوں کی واپسی کے لیے بعد ازحج آپریشن 27 اگست سے شروع کیا جائے گا۔

Comments

comments

یہ بھی پڑھیں