تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پاکستانی آرٹسٹ کا سعودی ولی عہد کے لیے تحفہ

اسلام آباد: سعودی ولی عہد محمد بن سلمان کے دورہ پاکستان کے موقع پر پاکستانی آرٹسٹ نے ان کے لیے پورٹریٹ کا تحفہ تیار کرلیا۔

تفصیلات کے مطابق رابعہ ذاکر نامی آرٹسٹ نےسعودی ولی عہدکی یہ پورٹریٹ  ہاتھ سے تیار کی ہے اور اس کی تیاری میں آرٹسٹ کوولی عہدکی آئل پینٹنگ تصویرمکمل کرنےمیں ایک ہفتہ لگا ہے۔ روایتی عرب لباس،رومال کوبھی آئل پینٹنگ  کی مدد سے حقیقی رنگ دیئےگئے ہیں۔

اس موقع پر رابعہ ذاکر کا کہنا ہے کہ  وہ کئی اہم شخصیات کے پورٹریٹ تیار کرچکی ہیں۔ ولی عہدکےچہرےکےجلالی اورجمالی تاثرات بنانامشکل کام تھا۔

تصویر میں سعودی ولی عہد سیاہ رنگ کی سنہری حاشیے والی روایتی شاہی عبا میں ملبوس ہیں، ان کے سر پر سعودی عرب کا سرخ اور سفید چارخانے والا رومال بھی موجود ہے۔

رابعہ ذاکر چاہتی ہیں کہ دورہ پاکستان کے موقع پر وہ یہ پورٹریٹ ازخود ولی عہد کی خدمت میں پیش کریں،  لیکن ساتھ ہی ان کا کہنا ہے کہ اگر محمد بن سلمان کے انتہائی مصروف شیڈول کے سبب یہ موقع نہ ملا تو وہ اس پورٹریٹ کو سعودی سفارت خانے کے سپرد کردیں گی ،تاکہ یہ ولی عہد تک پہنچ جائے۔

رابعہ ذاکر  پاک رومانیہ  دوستی ایسوسی ایشن کی چیئر پرسن ہیں اور ساتھ ہی ساتھ پیس آرٹس کونسل ترکی سے بھی منسلک ہیں۔ انہوں نے آرٹس کی تعلیم نیشنل کالج آف آرٹس لاہور سےحاصل کی ہے۔

Comments

- Advertisement -