The news is by your side.

Advertisement

لندن میں مقیم پاکستانیوں نے قائد ایم کیوایم کے خلاف درخواستیں درج کرادیں

لندن : پاکستان مخالف تقاریرکرنے پر برطانیہ میں مقیم پاکستانیوں نے قائد ایم کیوایم کے خلاف شکایات لندن پولیس میں جمع کرادیں۔

تفصیلات کے مطابق لندن کے ایک رہائشی محمد چوہدری نے ایک لاکھ سے زائد دستخط شدہ شکایات لندن پولیس کو جمع کرائی گئی ہیں جس میں موقف اختیارکیا گیا ہے کہ قائد ایم کیو ایم نے برطانیہ میں بیٹھ کر پاکستان میں موجود لوگوں کو اشتعال دلا رہے ہیں جس کے باعث پاکستان میں لوگوں کی جانی و مالی نقصان کا باعث بن رہی ہیں اس لیے انہیں فوری طورپرپاکستان بدرکیا جائے۔

اسی طرح ایک اورپاکستانی نژاد برطانوی شہری راجہ نقاش نے بھی قائد ایم کیو ایم کے خلاف پولیس کو درخواست جمع کرائی ہے جب کہ اوورسیز پاکستانیوں نے میٹروپولیٹن پولیس کو بذریعہ فون اورای میل شکایات کے انبار لگا دیئے۔

شکایات کے انبار لگنے کے بعد میٹروپولیٹن پولیس کو شکایت درج کرانے کے لئے نیا ای میل ایڈریس جاری کیا جس کے لیے میٹروپولیٹن پولیس کا اسپیشل آپریشن 15 شکایات کا جائزہ لے گا۔

علاوہ ازیں پاکستانیوں کی طرف سے متحدہ قائد کی ہرزہ رسائی کے خلاف برطانوی وزیر اعظم کی رہائش گاہ 10ڈاﺅننگ اسٹریٹ کے باہر احتجاجی مظاہرہ بھی کیا گیا ہے جس کی قیادت پاکستان کمیونٹی سینٹر کے راہنما طارق ڈار نے پی ایس پی کے رہنماؤں کے ہمراہ کی۔

دریں اثناء لندن پولیس نے کہا ہے کہ قائد ایم کیو ایم کی تقریرپرعوام کی جانب سے بہت کالز آئی ہیں ہم فی الحال قائد ایم کیو ایم کی تقریرکےمتن کا جائزہ لے رہے ہیں کہ برطانوی قانون کے تحت کوئی جرم ہوا ہے یا نہیں،تقریرکا متن ہمیں ایم کیو ایم سے وابستہ شخص نے دیا ہے اگر جرم کے شواہد ملے تو کارروائی کریں گے۔

Print Friendly, PDF & Email

Comments

comments

یہ بھی پڑھیں