The news is by your side.

Advertisement

پاکستانی باکسر محمد وسیم کی گاڑی کو حادثہ، باکسر زخمی

کراچی: پاکستانی باکسر محمد وسیم ٹریفک حادثے میں معمولی زخمی ہو گئے ہیں۔

تفصیلات کے مطابق پاکستانی باکسر محمد وسیم اسلام آباد سے کوئٹہ کا سفر کر رہے تھے کہ ان کی گاڑی کو حادثہ پیش آ گیا، جس میں وہ معمولی زخمی ہو گئے۔

سفر کے دوران باکسر وسیم کے ہمراہ ان کے کوچ بھی تھے، محمد وسیم فائٹ کے لیے اسلام آباد میں ٹریننگ کر رہے تھے، ٹریننگ کے بعد وہ کوئٹہ جا رہے تھے کہ گاڑی کو حادثہ پیش آ گیا۔ حادثے میں ان کی گاڑی کا اگلا حصہ پچک گیا، تاہم وہ زیادہ زخمی ہونے سے محفوظ رہے۔

باکسر محمد وسیم کے لیے خصوصی شیلڈ

محمد وسیم زخمی ہونے کے باوجود اگلی فائٹ کے لیے پر عزم ہیں، محمد وسیم 28 مارچ کو سابق یورپین چیمپئن ریان فیرک کے مد مقابل آئیں گے۔

بتایا جا رہا ہے کہ ٹریفک حادثے میں محمد وسیم کے کندھے اور گھٹنے پر معمولی چوٹیں آئی ہیں، تاہم ان کی حالت خطرے سے باہر ہے اور وہ اپنے مقابلے کے لیے پرعزم ہیں۔

حادثے کے وقت باکسر وسیم کے ساتھ گاڑی میں ان کے کوچ طارق بھی موجود تھے، بتایا جا رہا ہے کہ انھیں بھی معمولی چوٹ آئی ہے۔

fb-share-icon0
Tweet 20

Comments

comments

یہ بھی پڑھیں