پاکستانی باکسر ورلڈ ٹائٹل فائٹ کی تیاریوں میں مصروف -
The news is by your side.

Advertisement

پاکستانی باکسر ورلڈ ٹائٹل فائٹ کی تیاریوں میں مصروف

پاناما: پاکستانی باکسر محمد وسیم پاناما میں ہونے والی ورلڈ ٹائٹل فائٹ کے لیے تیاریوں میں مشغول ہیں‘ بدھ کو پہلی وارم اپ فائٹ لڑیں گے۔

تفصیلات کے مطابق ڈبلیو بی سی سلور فلائی ویٹ کیٹیگری کے چیمپئین اور دنیائے باکسنگ میں فالکن کے نام سے مشہور پاکستان کے محمد وسیم پاناما میں ورلڈ ٹائٹل فائٹ کی تیاریوں میں مصروف ہیں۔

سابق امریکی باکسر اور کوچ جیف مے ویدر کی زیر نگرانی پاکستانی باکسر سخت محنت کررہےہیں۔ اس سلسلے میں وہ پہلی وارم اپ فائٹ بدھ کو پاناما کے ایلیشر والڈیز نامی باکسر سے لڑیں گے، والڈیز کو تیرہ باؤٹس کا تجربہ ہے۔ محمد وسیم کی دوسری فائٹ انتیس جولائی کو شیڈول کےمطابق ہوگی۔


پاکستانی باکسر نے ڈبلیو بی سی سلور فلائی ویٹ ٹائٹل جیت لیا


 

اے آر وائی نیوز سے ٹیلی فونک گفتگو میں محمد وسیم کا کہنا تھا کہ وہ ورلڈ ٹائٹل فائٹ کی تیاریاں بھرپور انداز سے کررہے ہیں، اس دوران مقابلوں کے ذریعے خامیوں پر کام کرنے کا موقع ملے گا۔ محمد وسیم نے پروفیشنل باکسنگ میں قدم رکھتے ہی جنوبی کوریا کے بانٹم ویٹ چیمپیئن بننے کا اعزاز حاصل کیا۔

اب تک پانچ مقابلوں میں وہ ناقابل شکست ہیں اور حالیہ فائٹ میں انھوں نے فلپائن کے گیمل میگرامو کو زیر کرکے ڈبلیو بی سی سلور فلائٹ ویٹ بیلٹ کا دفاع کیا ہے۔

ورلڈ باکسنگ کونسل کی جاری کردہ رینکنگ کے مطابق فلائی ویٹ کیٹیگری میں محمد وسیم نمبر ون باکسر بن چکے ہیں جس کے بعد ورلڈ ٹائٹل فائٹ کیلئے اُن کے امکانات روشن ہوگئے ہیں۔ اب محمد وسیم جاپان کے ڈیاگو ہیگا سے مقابلہ کرسکیں گے۔

واضح رہے پاکستانی باکسر محمد وسیم گزشتہ سال جولائی میں انٹرنیشنل پروفیشل سلور فلائی ویٹ ٹائٹل جیتا تھا۔ پاکستان کے مایہ ناز باکسر محمد وسیم نے فلپائن کےجیتھر اولیوا کو شکست دے کر انٹرنیشنل پروفیشنل سلور فلائی ویٹ ٹائٹل اپنے نام کیا تھا۔

فائٹ میں محمد وسیم اورفلپائنی باکسرمیں زوردار مکوں کاتبادلہ ہوا۔ بارہ راؤنڈز پر مشتمل مقابلےکےبعد محمد وسیم متفقہ طور پر کامیاب قرار پائے تھے۔ اس جیت کے ساتھ ہی محمد وسیم عالمی پروفیشنل باکسنگ کی رینکنگ میں چوتھے نمبر تھے تاہم اب وہ پہلے نمبر پر ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں