کراچی: ایران کے دارالحکومت تہران میں کاروبار کی غرض سے جانے والے پاکستانی شہری کو مبینہ طور پر اغوا کرلیا گیا۔
اے آر وائی نیوز کے مطابق کراچی کے علاقے ملیر کے رہائشی 60 سالہ محمد خلیل کاروبار کی غرض سے ایران گئے تھے، بیٹے عدیل کا کہنا ہے کہ والد کی رہائی کے لیے اغوا کاروں کی جانب سے تین ہزار ڈالر طلب کیے جارہے ہیں۔
مغوی محمد خلیل کے بیٹے کا کہنا ہے کہ ’اغوا کار فارسی میں گفتگو کررہے ہیں جبکہ والد کو ٹیکسی ڈرائیور نے اغوا کیا ہے۔
عدیل نے دعویٰ کیا کہ تین سے چار لوگ ہیں جو والد کو تشدد کا نشانہ بنارہے ہیں۔
انہوں نے بتایا کہ والد پرانے کیمروں کے کاروبار سے منسلک ہیں اور ان کا کاروبار کی غرض سے ایران اور ترکی آنا جانا رہتا ہے۔
محمد خلیل کے صاحبزادے کا کہنا ہے کہ فارن آفس اور اوورسیز پاکستانی فاؤنڈیشن کو والد کی بازیابی کے لیے خط لکھ دیا ہے۔
Comments
- Advertisement -
