The news is by your side.

Advertisement

شنگھائی: پاکستانی شہری ہارٹ اٹیک کے باعث جاں بحق

بیجنگ : شنگھائی کے بین الااقوامی ہوائی اڈے پر دل کا دورہ پڑنے کا پاکستانی شہری دوران علاج اسپتال میں انتقال کرگیا.

تفصیلات کے مطابق چین کے شہر شنگھائی کے بین الااقوامی ہوائی اڈے پر پاکستان سے چین جانے والے شہری کو اچانک دل کا دورہ پڑگیا، جسے طبی خدمات انجام دینے والے عملے سے فوری طور پر اسپتال منتقل کردیا تھا.

چین کے ٹانگ رین اسپتال کے ترجمان کا کہنا ہے کہ دل کا دورہ پڑنے کے باعث اسپتال منتقل کیا جانے والا پاکستانی دوران علاج دم توڑ گیا ہے.

شنگھائی کے ٹانگ رین اسپتال ترجمان کا کہنا تھا کہ متاثرہ شخص‌ کو انتہائی تشویش ناک حالت میں اسپتال منتقل کیا گیا.

شنگھائی میں موجود پاکستانی سفارت خانے کے حکام پاکستانی شہری کو ہارٹ اٹیک آنے کی اطلاع ملتے ہی اسپتال پہنچ گئے تھے، جہاں انہوں نے شہری کے انتقال کی تصدیق کردی۔

چین کے ہوائی اڈے پر دل کا دورہ پڑنے والے مریض کی شناخت احمد مقصود کے نام سے ہوئی ہے جو لاہور کا رہائشی ہے.

چینی حکام کا کہنا ہے کہ پاکستانی سفارت خانے کو آگاہ کردیا گیا ہے کہ احمد مقصود اکیلے چین آئے تھے، جنہیں دورہ پڑنے کے باعث نازک حالت میں اسپتال منتقل کیا تھا.


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں