The news is by your side.

Advertisement

امریکا میں پاکستانی شہریوں نے حسین حقانی کو آڑے ہاتھوں لے لیا

واشنگٹن: امریکا میں پاکستانی شہریوں نے سابق سفیر حسین حقانی کو آڑے ہاتھوں لے لیا، شہریوں نے حسین حقانی کو پاکستان مخالف سرگرمیوں پر غدار قرار دیا۔

تفصیلات کے مطابق امریکا میں سابق پاکستانی سفیر حسین حقانی کو جنوبی ایشیا سے متعلق کانفرنس میں شہریوں نے آڑے ہاتھوں لے کر غدار قرار دے دیا۔

آپ غدار ہیں، پاکستان کی برائیاں کر رہے ہیں، پاکستان آؤ، عدالتوں کا سامنا کرو۔

شہریوں کا مطالبہ

امریکا میں پاکستانی شہریوں کے تند و تیز سوالات کے آگے حسین حقانی بے بس دکھائی دیے۔

شہریوں نے میمو گیٹ اسکینڈل میں ایف آئی اے کو مطلوب اشتہاری ملزم حسین حقانی سے سوال کیا کہ وہ وطن سے باہر پاکستان مخالف پروگرام کیوں کرتے ہیں؟

پاکستانی شہری نے کہا ’آپ غدار ہیں، پاکستان کی برائیاں کر رہے ہیں، پاکستان آؤ، عدالتوں کا سامنا کرو، پاکستان کیوں نہیں آتے۔‘

حسین حقانی پاکستانی شہریوں کو کوئی جواب نہ دے سکے، جان چھڑاتے ہوئے کہا ’ایسے سب کے سامنے بات نہیں ہوتی۔‘


یہ بھی پڑھیں:  سپریم کورٹ کا نیب کو حسین حقانی کے خلاف کارروائی شروع کرنے کا حکم


حسین حقانی ’انسانی حقوق اور دہشت گردی کے خلاف جنوبی ایشیا‘ (SAATH) نامی کانفرنس میں شریک تھے، جہاں مقررین نے پاکستانی اداروں کے خلاف کھل کر ہرزہ سرائی کی۔

خیال رہے کہ گزشتہ ماہ 18 اکتوبر کو سپریم کورٹ میں میمو گیٹ اسکینڈل کی سماعت کے دوران عدالتی معاون نے بتایا کہ حسین حقانی کے معاملے پر ایف آئی اے نے انٹرپول سے رابطہ کر لیا ہے جب کہ حسین حقانی کے دائمی وارنٹ بھی جاری کر دیے گئے ہیں۔

Comments

comments

یہ بھی پڑھیں