The news is by your side.

Advertisement

میری مدد کرنے پر شکریہ آرمی چیف، ندیم

کراچی : سعودی عرب کی جیل میں قید پاکستانی شہری ندیم وطن واپس پہنچ گیا ، ندیم نے رہائی دلانے پر آرمی چیف کا شکریہ ادا کیا۔

تفصیلات کے مطابق سعودی جیل میں قید پاکستانی شہری ندیم رہائی کےبعد وطن واپس پہنچ گیا، سترہ سال بعدندیم کو گھر میں دیکھ کر اہلخانہ خوشی سے نہال ہوگئے ، ندیم کے بھائی اور ماں نےآرمی چیف اور اےآروائی نیوزکا شکریہ ادا کیا۔

وطن واپسی پر ندیم نے بھی مدد کرنے پر آرمی چیف کا شکریہ ادا کیا۔

گذشتہ روز  ندیم کے اہل خانہ کا کہنا تھا کہ ہم آرمی چیف جنرل قمرجاویدباوجوہ کےشکرگزارہیں، بھائی سعودی عرب میں جس کمپنی میں کام کرتےتھے اس کا دیوالیہ ہوگیا اور وہ ایک مسجد میں رہ رہے تھے، دستاویزات گم ہوگئے۔


مزید پڑھیں :  آرمی چیف کے نوٹس لینے پرسعودی عرب میں قید پاکستانی کو رہائی مل گئی


بھائی کا کہناتھا کہ آرمی چیف کے اقدام کے بعد اداروں نے رابطہ کیاہے، ہم ندیم کا بے صبری سےانتظارکررہےہیں۔

یاد رہے کہ پاکستانی شہری ندیم کی سعودی عرب میں سفری دستاویزات گم ہوگئی تھیں، جس کے بعد سعودی پولیس نے شک کی بنا پر  پاکستانی شہری کو حراست میں لیا تھا۔

قید کےدوران ندیم کی ویڈیو سوشل میڈٰیاپروائرل ہوئی، جس میں لوگوں سے مدد کی اپیل کی تھی، جس کے بعد آرمی چیف کی ہدایت پر سعودی عرب میں ندیم کوسفری دستاویزات فراہم کی گئیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں