تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

سعودی عرب میں بسنت فیسٹیول، پاکستانیوں سمیت غیرملکیوں کی بھی شرکت

ریاض: سعودی عرب کے شہر الخبر میں بسنت فیسٹیول کا اہتمام کیا گیا جس میں پاکستانیوں سمیت غیرملکیوں نے بھی شرکت کی۔

تفصیلات کے مطابق سعودی عرب کے شہر الخُبر میں کائیٹ کلب کی جانب سے ہاف مون سمندر کے قریب بسنت فیسٹیول کا اہتمام کیا گیا جس میں بڑی تعداد میں پاکستانیوں کے علاوہ غیر ملکیوں نے بھی شرکت کی۔

ایونٹ آرگنائزر فواد اور محمد زوہیب کا کہنا تھا کہ سعودی حکومت کے شکر گزار ہیں، جس نے ہر سال بسنت منانے کی خصوصی اجازت دی ہے۔

انہوں نے کہا کہ پاکستانی ثقافت کو روشناس کرانے کے لیے آئندہ سال بھی بسنت میلے کا انعقاد کیا جائے گا اور ہماری خواہش ہے پاکستان میں بھی کھلے میدانوں میں بسنت منانے کی اجازت دی جائے۔

بسسنت فیسٹیول میں پاکستان کے لذیذ اور روایتی کھانوں سے بھی لوگ خوب محظوظ ہوئے، اصل مزہ پتنگ بازوں نے لوٹا اور مختلف رنگوں کی پتنگوں کو فضا میں بلند کیا۔

آسمان پر مختلف رنگوں کی لہراتی ہوئی پتنگوں سے پاکستانی رنگ نمایاں ہوتے نظر آئے اور چاروں جانب بو کاٹا کے آوازوں سے فضا گونجتی رہی۔

بسنت میلے میں شریک لوگوں کو کہنا تھا کہ وہ سعودی حکومت کے مشکور ہیں جنہوں نے بسنت کے تہوار کو منانے کی اجازت دی۔

ان کا مزید کہنا تھا کہ ایسے ایونٹ کا انعقاد ہوتے رہنا چاہیے جو ایک تفریح کے ساتھ ساتھ ذہنی دباؤ کے خاتمے کا بھی اہم ذریعہ ہے۔

Comments

- Advertisement -