اتوار, فروری 9, 2025
اشتہار

ویڈیو: نیوزی لینڈ میں پاکستانی کرکٹرز کا فوٹو شوٹ

اشتہار

حیرت انگیز

نیوزی لینڈ کے خلاف 5 ٹی ٹوئنٹی میچوں پر مشتمل سیریز سے قبل قومی کرکٹرز کا آکلینڈ میں فوٹو شوٹ ہوا ہے۔

پاکستان اور نیوزی لینڈ کے درمیان پانچ ٹی ٹوئنٹی میچوں پر مشتمل سیریز کا آغاز جمعہ 12 جنوری سے آکلینڈ میں ہو رہا ہے جس  کے لیے ٹیم وہاں پہنچ چکی ہے اور بھرپور پریکٹس میں بھی مصروف ہے۔

سیریز کے لیے جہاں قومی کھلاڑی بھرپور پریکٹس کرکے اپنی خامیاں دور کرنے کے لیے کوشاں ہیں وہیں سیریز کے براڈ کاسٹر کی جانب سے کھلاڑیوں کا فوٹو شوٹ بھی کیا گیا ہے۔

قومی کرکٹرز کے فوٹو شوٹ کی ویڈیو پاکستان کرکٹ بورڈ نے سماجی رابطوں کی ویب سائٹ ایکس پر اپنے آفیشل اکاؤنٹ پر بھی شیئر کی ہے۔

ویڈیو میں دیکھا جا سکتا ہے ٹی ٹوئنٹی کپتان شاہین شاہ آفریدی نے وکٹ حاصل کرنے کے بعد اپنے جشن منانے کے روایتی انداز میں فوٹو شوٹ کرایا۔

 

ان  کے علاوہ بابر زمان، محمد رضوان، جارح مزاج اوپنر فخر زمان، فرحان، صائم ایوب، عامر جمال، حارث رؤف، اعظم خان، افتخار احمد سمیت دیگر کھلاڑیوں نے بھی میدان میں ایکشن سے قبل اسٹوڈیو میں اپنے انداز کے ایکشن بکھیرتے ہوئے خوبصورت انداز اور خوشگوار ماحول میں فوٹو شوٹ کرایا۔

واضح رہے کہ نیوزی لینڈ کے خلاف پانچ ٹی ٹوئنٹی میچوں پر مشتمل سیریز کا آغاز جمعہ 12 جنوری سے ہو رہا ہے۔ دوسرا میچ اتوار 14 جنوری کو ہیملٹن میں، تیسرا میچ بدھ 17 جنوری کو ڈونیڈن میں جب کہ آخری دو میچز کرائسٹ چرچ میں 19 اور 21 جنوری کو ہوں گے۔

اہم ترین

ریحان خان
ریحان خان
ریحان خان کو کوچہٌ صحافت میں 25 سال ہوچکے ہیں اور ا ن دنوں اے آر وائی نیوز سے وابستہ ہیں۔ملکی سیاست، معاشرتی مسائل اور اسپورٹس پر اظہار خیال کرتے ہیں۔ قارئین اپنی رائے اور تجاویز کے لیے ای میل [email protected] پر بھی رابطہ کر سکتے ہیں۔

مزید خبریں