The news is by your side.

Advertisement

سرفراز احمد کو دیگر کھلاڑیوں کے دھکے دینے کی ویڈیو وائرل

کراچی: قومی کرکٹ ٹیم کے سابق کپتان سرفراز احمد کو دیگر کھلاڑیوں کی جانب سے دھکے دینے کی ویڈیو وائرل ہوگئی۔

تفصیلات کے مطابق قومی کرکٹ ٹیم کو آئی سی سی چیمپئنز ٹرافی جتوانے والے اور ٹی ٹوینٹی میں نمبر ون پوزیشن پر لانے والے سابق کپتان سرفراز احمد کو دیگر کھلاڑیوں کی جانب سے دھکے دئیے گئے جس کی ویڈیو وائرل ہوگئی۔

پاکستان کرکٹ بورڈ نے معذرت کرتے ہوئے اپنے ٹویٹر اکاؤنٹ سے مذکورہ ویڈیو ہٹادی۔

ویڈیو میں سرفراز احمد کو دیگر کھلاڑی دھکے دیتے نظر آرہے ہیں، پی سی بی کا وضاحت دیتے ہوئے کہنا ہے کہ ویڈیو ورلڈ ٹی ٹوینٹی کاؤنٹ ڈاؤن کا حصہ تھی۔

پی سی بی کا کہنا ہے کہ ویڈیو کپتانی کے فیصلے سے متصادم ہونے پر معذرت خواہ ہیں۔


 مزید پڑھیں: کپتانی شارٹ ٹرم نہیں، کارکردگی دکھا سکتا ہوں، اظہر علی

واضح رہے کہ پی سی بی نے سرفراز احمد کو ٹیسٹ اور ٹی ٹوینٹی کی کپتانی سے ہٹاکر اظہر علی کو ٹیسٹ اور بابر اعظم کو ٹی ٹوینٹی کی کپتانی سونپ دی ہے۔

ذرائع کا کہنا ہے کہ سرفراز احمد کو دونوں فارمیٹ سے وکٹ کیپر کے طور پر بھی نہیں کھلایا جائے گا، ٹی ٹوینٹی میں کامران اکمل اور ٹیسٹ میں محمد رضوان سرفراز کی جگہ لیں گے۔

سرفراز احمد کو ہٹائے جانے پر سابق وکٹ کیپر معین خان نے کہا ہے کہ سرفراز کو ہٹایا جانا احمقانہ فیصلہ ہے، شکست کے دباؤ سے گھبرا کر جلد بازی میں مصباح نے یہ فیصلہ لیا ہے۔

Comments

comments

یہ بھی پڑھیں