تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم عمران خان اور امریکی صدر کی ملاقات پر پاکستان کا اعلامیہ جاری

اسلام آباد : وزیراعظم عمران خان اور امریکی صدر ڈونلڈ ٹرمپ کی اہم ملاقات پر پاکستان نے اعلامیہ میں کہا امریکی صدر نےجنوبی ایشیا میں امن پر وزیراعظم کے نقطہ نظر کی تعریف کی اور مسئلہ کشمیرکےحل میں ثالثی کاکرداراداکرنےکی پیشکش کی۔

تفصیلات کے مطابق وزیراعظم عمران خان اور امریکی صدرکی ملاقات پر پاکستان نے اعلامیہ جاری کردیا ،جس میں کہا گیا 2015 کے بعد پاکستان اور امریکا میں پہلی سمٹ لیول ملاقات ہوئی، امریکی صدر ڈونلڈ ٹرمپ نے وائٹ ہاوس میں وزیراعظم کااستقبال کیا، دونوں رہنماوں کےدرمیان ون آن ون اوروفود کی سطح پر ملاقات ہوئی، جس میں دونوں رہنماؤں نے باہمی تعلقات کی مضبوطی اور تعاون کے فروغ پر زوردیا۔

،اعلامیہ میں کہا گیا دونوں ممالک نےجنوبی ایشیامیں معاشی استحکام اور امن لانے کے عزم کا اظہارکیا اور دونوں رہنماوں نےافغانستان میں قیام امن سےمتعلق پیش رفت کاجائزہ لیا۔

پاکستانی اعلامیہ کے مطابق امریکی صدر نےخطے میں قیام امن کےلیےپاکستان کےکردارکو سراہا جبکہ وزیر اعظم نےخطے کےبہتر مفاد میں بھرپور تعاون کی یقین دہانی کرائی۔

مزید پڑھیں : عمران خان ٹرمپ ملاقات، وائٹ ہاؤس نے اعلامیہ جاری کردیا

اعلامیہ میں کہا گیا افغانستان میں قیام امن مشترکہ ذمےداری تھی جبکہ ملاقات میں تجارت، سرمایہ کاری، توانائی، اقتصادی ، دفاعی اور سیکیورٹی تعاون بڑھانے پر اتفاق ہوا۔

عمران خان اور ٹرمپ ملاقات کے اعلامیے میں کہا گیا وزیراعظم نےامریکی کارپوریٹ سیکٹر کوپاکستان میں سرمایہ کاری کی دعوت دی اور امریکی صدر کوپاکستان کےسماجی واقتصادی ترقی پرنقطہ نظرسےآگاہ کیا۔

اعلامیے میں کہا گیا ہے امریکی صدرنےجنوبی ایشیا میں امن پروزیر اعظم کےنقطہ نظر کی تعریف کی، صدر ٹرمپ نےمسئلہ کشمیر کے حل میں ثالثی کاکردار اداکرنےکی پیشکش کی اور مذاکرات کےبعدامریکی صدر نےوزیراعظم اوروفد کو وائٹ ہاوس کادورہ کرایا۔

وزیراعظم نےامریکی صدر کو دورہ پاکستان کی دعوت بھی دی، ڈونلڈ ٹرمپ نے دورہ پاکستان کی دعوت قبول کر لی ہے۔

Comments

- Advertisement -