site
stats
پاکستان

تین برس میں ڈھائی لاکھ پاکستانی ڈی پورٹ

اسلام آباد :  تین سال کے دوران مخلتف ممالک سے ڈھائی لاکھ پاکستانیوں کو مخلتف وجوہات کی بنا پر ملک بدر کردیا گیا، ان ممالک میں سعودی عرب، ایران اور متحدہ عرب امارات شامل ہیں، ڈی پورٹ کیے گئے زیادہ تر افراد مزدور ہیں اور ان کا تعلق پنجاب کے مختلف شہروں سے ہے۔

pakistani-post-1

تفصیلات کے مطابق حکومت پاکستان کی جانب سے جاری کردہ ایک رپورٹ میں کہا گیا ہے کہ سال 2012 سے سال 2015 کے تین سال کے مختصر عرصے کے دوران تقربیاً ڈھائی لاکھ پاکستانی، سعودی عرب، متحدہ عرب امارات اور ایران سمیت دنیا کے مختلف ملکوں سے نکالے جانے کے بعد وطن واپس پہنچے۔

اطلاعات کے مطابق سعودی عرب، متحدہ عرب امارات اور ایران کے علاوہ جن ممالک سے پاکستانیوں کو نکالا گیا ان میں عمان، یونان، برطانیہ اور ملائشیا بھی شامل ہیں، رپورٹ کے مطابق مجموعی طور پردولاکھ 24 ہزار870 پاکستانی ملک بدر ہونے کے بعد وطن واپس پہنچ چکے ہیں جن میں اکثریت کا تعلق مزدور طبقے سے ہے۔

pakistani-post-2

خاص طور پر سعودی عرب اور متحدہ عرب امارات سے نکالے جانے والوں میں اکثریت روز گار کے متلاشی مزدوروں، نیم ہنر مندوں اور چھوٹے تاجروں کی ہے جبکہ ایران سے واپس بھیجے گئے افراد میں وہ لوگ شامل تھے جو غیر قانونی طورپریونان اور اس سے آگے یورپ جانے کے لیے پاکستان سے نکلے تھے۔

saudi

رپورٹ میں مزید کہا گیا کہ سب سے زیادہ پاکستانی سال 2014 میں پاکستان واپس بھیجے گئے تھے جب 77000 پاکستانی واپس آئے تھے۔ خلیج تعاون کونسل میں شامل ملکوں سے زیادہ تر سیکیورٹی خدشات کی بنا پر پاکستانیوں کو نکالا گیا تھا اور وہ واپس وطن آئے تھے۔


یہ بھی پڑھیں:سعودی عرب میں سائبر قانون کی خلاف ورزی سے بچیں


رپورٹ میں کہا گیا ہے کہ ان اعداد و شمار سے ظاہر ہوتا ہے کہ آنے والے برسوں میں اس رجحان میں اضافہ ہونے کا خدشہ ہے اور اس کی وجہ سے انسانوں کی اسمگلنگ اور غیر قانونی طور پر مشرق وسطیٰ اور مغربی ممالک میں جانے والوں کی تعداد بھی بڑھ سکتی ہے۔

pakistani-post-3

اقوام متحدہ کے جرائم اور منشیات کی روک تھام کے ادارے کے مطابق غیر قانونی طور پر ملک چھوڑنے والوں میں اکثریت کا تعلق پاکستان کے صوبے پنجاب کے شہروں گوجرانوالہ، گجرات، سیالکوٹ ، منڈی بہاء الدین، ڈیرہ غازی خان اور ملتان سے ہوتا ہے۔

saudi-post-5

رپورٹ میں مزید کہا گیا کہ سال 2007 سے جون سال 2015 تک 5 لاکھ پاکستانیوں کو پاکستان واپس بھیجا گیا۔ غیر قانونی یا سفری دستاویزات میں مسائل کے باعث سال 2005 سے سال 2015 کے دس برس میں 9 لاکھ سے زیادہ پاکستانیوں کو پکڑ کر مختلف ملکوں سے واپس بھیجا گیا۔

saudi-arab

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top