کراچی (17 مئی 2026): پاکستان ٹیم کے فاسٹ بولر محمد عباس نے پروفیشنل کرکٹ میں ایک ہزار وکٹوں کا سنگ میل عبور کر لیا۔
پاکستان ٹیم کے فاسٹ بولر محمد عباس دورہ بنگلہ دیش پر ریکارڈ پر ریکارڈ اپنے نام کیے جا رہے ہیں۔ سلہٹ میں جاری ٹیسٹ میں انہوں نے ایک اور سنگ میل عبور کر لیا ہے۔
محمد عباس نے پروفیشنل کرکٹ میں ایک ہزار وکٹوں کا سنگ میل عبور کر کے بڑا کارنامہ انجام دیا ہے۔ انہوں نے بنگلہ دیشی کپتان شانتو کو آؤٹ کر کے اپنے ایک ہزار شکار مکمل کیے۔
فرسٹ کلاس کرکٹ میں عباس کی 884، لسٹ اے میں 84 جب کہ ٹی ٹوئنٹی فارمیٹ میں 32 وکٹیں ہیں۔
واضح رہے کہ اس سے قبل محمد عباس نے ڈھاکا ٹیسٹ میں 6 وکٹیں لے کر بہترین ٹیسٹ اوسط میں وسیم اکرم اور وقار یونس کو پیچھے چھوڑ دیا تھا۔
سلہٹ میں جاری ٹیسٹ کے پہلے دن شانتو کی وکٹ ان کی پروفیشنل کرکٹ میں ہزارویں وکٹ کے ساتھ بیرون ملک حاصل کی گئی 100 ویں وکٹ بھی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں