The news is by your side.

Advertisement

خیبرپختونخوا سرکاری اسکولوں کےمین گیٹ پر پاکستان کا جھنڈا بنانے کا فیصلہ

پشاور : محکمہ تعلیم خیبرپختونخوا نے سرکاری اسکولوں کےمین گیٹ پرپاکستان کاجھنڈابنانےکافیصلہ کرلیا اور تمام اسکولوں کےپرنسپلز،ہیڈ ماسٹرز اور ہیڈ ٹیچرز کو جلد عمل کرنے ہدایات کردیں۔

تفصیلات کے مطابق محکمہ تعلیم خیبرپختونخوا نے بڑا اقدام اٹھاتے ہوئے صوبےکےسرکاری اسکولوں کےمین گیٹ پر پاکستان کا جھنڈا بنانے کا فیصلہ کرلیا ، جھنڈےکےاوپر’’ہم پاکستانی، وی آر پاکستانی‘‘بھی لکھاجائے گا جبکہ جھنڈےکےساتھ ہی محکمہ تعلیم خیبرپختونخواکا لوگو بھی بنایاجائے گا۔

ڈائریکٹرایجوکیشن خیبرپختونخوا نے ایجوکیشن افسران کومراسلہ جاری کردیا ، جس میں تمام اسکولوں کےپرنسپلز،ہیڈ ماسٹرزاورہیڈ ٹیچرز کو جلد عمل کرنے ہدایات کی گئی ہے۔

مشیرتعلیم خیبرپختونخوا کا کہنا تھا کہ اقدام سےطلبامیں وطن سے محبت کا جذبہ مزید بڑھے گا، ’’ہم پاکستانی‘‘کا پیغام صوبے کے ہر گھر تک جائے گا۔

یاد رہے وزیراعلیٰ خیبرپختونخوا محمود خان نے خیبر پختونخوا کے سرکاری اسکولوں میں داخلہ مہم 2019 کا باقاعدہ افتتاح کیا تھا اور کہا تھا کہ آئین پاکستان کے آرٹیکل25(اے) کے تحت 8سے لے کر16سال تک کے بچوں کو مفت تعلیم کی فراہمی حکومت کی ذمہ داری ہے۔

اس سال داخلہ مہم میں آٹھ لاکھ بچوں کے داخلے کا ہدف مقرر کیا گیا ہے۔ اس موقع پر وزیراعلیٰ محمود خان کا کہنا تھا کہ قوم کے بچوں کو بہترین اور معیاری تعلیم فراہم کریں گے اور داخلہ مہم کا جائزہ لینے کے لئے خیبر پختونخوا کے دیگر علاقوں کا خود دورہ کروں گا اوراس سلسلے میں ایجوکیشن آفسران سے باقاعدہ بریفنگ بھی لی جائے گی۔

Comments

comments

یہ بھی پڑھیں