اسلام آباد : پاکستانی دفتر خارجہ نے بھارتی وزارت خارجہ کے تبصروں کو مسترد کردیا، اس حوالے سے ترجمان کا کہنا ہے کہ چین پاکستان اقتصادی راہداری کیخلاف بھارت کا پروپیگنڈہ مسترد کرتے ہیں۔
ترجمان دفترخارجہ عاصم افتخار نے کہا کہ پاکستان نے بھارت کی مذموم مہم کے ناقابل تردید ثبوت شیئر کیے ہیں، بلوچستان میں ہونے والی تخریبی کارروائیوں میں بھارت کے ملوث ہونے کے پختہ ثبوت موجود ہیں۔
انہوں نے کہا کہ بھارتی جاسوس کلبھوشن یادیو اس بات کا زندہ اور ناقابل تردید ثبوت ہے کہ بھارت پاکستان میں تخریبی سرگرمیوں کی سرپرستی کی کوشش کررہا ہے۔
ترجمان دفترخارجہ عاصم افتخار نے مزید کہا کہ نئی دہلی کے بےبنیاد دعوے اور حقائق اور کشمیر تنازعہ کی حیثیت تبدیل نہیں کرسکتے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں