site
stats
پاکستان

پاکستانیوں کو ترکی کے 7 روزہ مفت ٹرانزٹ ویزوں کا اجرا

کراچی: ترکی کی وزارتِ خارجہ نے امریکا، برطانیہ، یورپی ممالک اور آئر لینڈ کا سفر کرنے والے پاکستانی مسافروں  کے لیے 7روزہ مفت ٹرانزٹ ویزے کا اجرا شروع کردیا۔

اے آر وائی نیوز کے نمائندہ انجم وہاب کے مطابق ان ویزوں کا اجرا ایک منصوبے کے تحت شروع کیا گیا ہے جس کے تحت ترکش ایئر لائن پاکستان سے براستہ استنبول، امریکا، یورپ ، برطانیہ اور آئرلینڈ سفر کرنے والے مسافروں کے لیے نئی سہولت متعارف کروارہی ہے۔

اس سہولت کے تحت ترکش ایئر لائن کے ایسے مسافر جن کا پاکستان سے دورانِ فلائٹ اسٹاپ اوور 20 گھنٹے سے زیادہ ہوگا انہیں ایک دن کے لیے استنبول گھومنے کا موقع فراہم کیا جائے گا جس کے دوران مسافروں کو مفت رہائش بھی فراہم کی جائے گی۔

یہ سہولت مسافر کی پرواز کی بکنگ کا مکمل کرنے کے بعد ترکش ایئر لائن کے مجاز عملے کی جانب سے تیار کرکے مسافر کو فراہم کی جائے گی۔

اس سہولت کے ذریعے اکنامی کلاس کے مسافر ایک رات 4 اسٹار ہوٹل جبکہ بزنس کلاس کے مسافر 2 راتیں 5 اسٹار ہوٹل میں گزار سکیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top