واشنگٹن: پاکستان کے ارسلان صدیقی نے ورلڈ ویڈیو گیمز چیمپئن شپ جیت کر تاریخ رقم کردی۔
تفصیلات کے مطابق امریکی ریاست لاس ویگاس میں ہونے والے ورلڈ ویڈیو گیمز چیمپئن شپ میں ارسلان صدیقی ٹیکن 7 کے ورلڈ چیمپئن بن گئے۔
ارسلان صدیقی نے ٹیکن ٹیگ ٹورنامنٹ ٹو کے گرینڈ فائنل کوریا سے تعلق رکھنے والے ٹیکن گیم کے لیجنڈ یائی من نی کو ہرا کر ورلڈ چیمپئن شپ اپنے نام کی۔
گیم سیریز کا گرینڈ فائنل امریکا کے شہر لاس ویگاس میں منعقد ہوا جس میں ارسلان صدیقی نے گیمنگ کی دنیا کے بڑے کھلاڑیوں کو شکست دی۔
8 Players , 4 Countries, 1 Champion.
Pakistan's Arslan Ash takes #EVO2019!#TEKKEN7 Top 8 Results:
1 🇵🇰@ArslanAsh95
2 🇰🇷@holyknee
3 🇺🇸@tk_anakin
4 🇯🇵@hk_takkun
5 🇯🇵@daichinobi
5 🇯🇵@TLaionsan
7 🇯🇵@chikurintut
7 🇰🇷@TekkenLowhigh https://t.co/pRm0CRLp4y #TWT2019 #EVOPS4 pic.twitter.com/rrquuV8CBy— EVO (@EVO) August 5, 2019
ارسلان نے 2018 سے گیمنگ ٹورنامنٹس میں حصہ لینا شروع کیا اور رواں سال فروری میں جاپان میں ہونے والا ایوو ٹورنامنٹ بھی جیتا تھا۔
ارسلان صدیقی کا کہنا تھا کہ مجھے ایسا محسوس ہورہا ہے جیسے ناقابل یقین کچھ کرلیا ہے، مجھے بہت فخر محسوس ہورہا ہے اور کامیابی پر بہت خوش ہوں۔
واضح رہے کہ ورلڈ ویڈیو گیمز چیمپئن شپ میں 4 ملکوں کے 8 کھلاڑیوں نے حصہ لیا تھا۔ چیمپئن شپ میں میزبان امریکی ٹیم کے کھلاڑی ٹی کے اناکن نے تیسری پوزیشن حاصل کی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں