بھارت سے مذاکرات کی بھیک نہیں‌ مانگ رہے، عبدالباسط Abdul Basit
The news is by your side.

Advertisement

بھارت سے مذاکرات کی بھیک نہیں‌ چاہتے، عبدالباسط

نئی دہلی: بھارت میں تعینات پاکستانی ہائی کمشنر عبدالباسط نے کہا ہے کہ بھارت سے مذاکرات بھیک میں نہیں چاہتے، مذاکرات کے بغیر دونوں ملک اپنے تنازعات حل نہیں کرسکتے۔

رائزنگ کشمیر کو انٹرویو دیتے ہوئے انہوں نے کہا کہ پاکستان بھارت سے مذاکرات کے لیے بھیک نہیں چاہتا، مسئلہ کشمیر کو کشمیری عوام کی امنگوں کے مطابق حل کیا جائے، مذاکرات کے بغیر دونوں ملک اپنے تنازعات حل نہیں کرسکتے۔

انہوں نے کہا کہ جامع مذاکرات کے لیے پاکستان کا فریم ورک تیار ہے، پاکستان لاحاصل مذاکرات کے لیے وقت ضائع نہیں کرسکتا، مذاکرات کے لیے پیشگی شرائط نہیں ہوتیں دونوں ملکوں میں مذکرات کے لیے مخلصانہ اور دوستانہ ماحول ضروری ہے۔

عبدالباسط نے کہا کہ مسئلہ کشمیر کے حل کے بغیر جنوبی ایشیا میں پائیدار امن ناممکن ہے، پاکستان اور بھارت کے درمیان مسئلہ جموں و کشمیر تنازعات کی بنیاد ہے پاکستان کشمیر سمیت تمام تنازعات کا حل چاہتا ہے۔

ہائی کمشنر کا مزید کہنا تھا کہ وقت آچکا ہے کہ دونوں ملک امن تلاش کریں۔

Comments

comments

یہ بھی پڑھیں