کیلی فورنیا: پاکستانی نژاد ڈاکٹر کا گورنرکا انتخاب لڑنے کا اعلان Pakistani Doctor
The news is by your side.

Advertisement

کیلی فورنیا: پاکستانی نژاد ڈاکٹر کا گورنر کیلئے انتخاب لڑنے کا اعلان

واشنگٹن: پاکستانی نژاد امریکی ڈاکٹر آصف محمد نے 2018 کے کیلی فورنیا میں ہونے والے لیفٹیننٹ گورنر جنرل کی دوڑ میں شامل ہونے کا اعلان کردیا۔

ٹرمپ کی جانب سے مسلمانوں کی مسلسل مخالفت اور مہاجرین کے امریکا داخلے پر پابندی کے حوالے سے ڈاکٹر آصف محمود نے پریس کانفرنس کرتے ہوئے کہا کہ ’’امریکی صدر کے مسلم مخالف بیانات کے بعد مہاجرین پر حملے بڑھ گئے ہیں‘‘۔

انہوں نے اعلان کیا کہ میں آئندہ انتخابات میں کیلی فورنیا کے گورنر کی نشست پر انتخابات لڑوں گا اور امریکی پلیٹ فارم کو استعمال کرتے ہوئے تمام اکائیوں کی تعلیم کے لیے اقدامات کر کے ٹرمپ کو جواب دوں گا۔

ڈاکٹر آصف محمد نے کہا کہ ’’ٹرمپ سب غلط کررہے ہیں، کیلی فورنیا کے لوگوں کو چاہیے کہ وہ امریکی صدر کے اقدامات پر آواز بلند کریں، میں حقوق کی اس جدوجہد میں ہرقدم پر اُن کا ساتھ دوں گا‘‘۔

انہو ں نے کہا کہ امریکا میں رہنے والے لوگ معاشرے کو ہر قسم کی انتہاء پسندی کو ختم کر کے رواداری کے ساتھ رہنا چاہتے ہیں، یہی وجہ ہے کہ میں بھی 90 کی دہائی میں امریکا آیا اور یہاں رہنے کو فوقیت دی‘‘۔

پاکستان کے ایک گاؤں میں پیدا ہونے والے ڈاکٹر آصف محمود 90 کی دہائی میں امریکا پہنچنے اور وہی اپنی تعلیم بھی مکمل کی، بعد ازاں اپنی فیملی کے ہمراہ کیلی فورنیا کے جنوبی علاقے میں اپنی اہلیہ اور تین بچوں سمیت سکونت اختیار کی۔

Comments

comments

یہ بھی پڑھیں