اسلام آباد: یوکرین میں پاکستانی سفیر نوئل کھوکھر کا کہنا ہے کہ یوکرین کے مشرقی علاقوں میں اب بھی 30 پاکستانی موجود ہیں، اب تک 14 سو 70 طالب علموں کو یوکرین سے نکال لیا گیا ہے۔

تفصیلات کے مطابق یوکرین میں پاکستانی سفیر نوئل کھوکھر کا کہنا ہے کہ اب تک 14 سو 70 طالب علموں کو یوکرین سے نکال لیا گیا ہے، 2 طالب علم ہنگری کی سرحد پر موجود ہیں انہیں بھی جلد بحفاظت نکال لیا جائے گا۔

سفیر کا کہنا تھا کہ یوکرین کے مشرقی علاقوں میں اب بھی 30 پاکستانی موجود ہیں۔

انہوں نے کہا کہ دونوں حکومتوں سے رابطہ کیا ہے کہ انسانی بنیادوں پر راستہ کھولا جائے، انتظامی تفصیلات جلد شیئر کی جائیں گی۔

اس سے قبل سفیر کا کہنا تھا کہ ترنوپل، لویو اور رومانیہ بارڈر پر اپنی موجودگی برقرار رکھیں گے، اگر کوئی پاکستانی پیچھے رہ گیا ہے تو انہیں بھی وہاں سے نکالا جائے گا۔