The news is by your side.

Advertisement

پاکستانی اور بھارتی کرکٹرز ایک دوسرے کا احترام کرتے ہیں، ویرات کوہلی

ممبئی: بھارتی بلے باز ویرات کوہلی کا کہنا تھا کہ پاکستانی اور بھارتی کرکٹرز آپس میں ایک دوسرے کا احترام کرتے ہیں.

تفصیلات کے مطابق غیر ملکی خبررساں ایجنسی سے بات کرتے ہوئے ویرات کوہلی کا کہنا تھا کہ پاک بھارت کرکٹ میچ کےدوران دونوں جانب کھلاڑیوں پر پریشر ہوتا ہے، لیکن دونوں جانب کھلاڑی ایک دوسرے کا احترام کرتے ہیں.

ویرات کوہلی نے کہا کہ مجھے یاد ہے پاکستان کے خلاف ابتدائی میچوں میں مجھ پر کافی پریشر تھا، انہوں نے کہا کہ دونوں جانب کھلاڑی ایک دوسرے کی تعریف کرتے ہیں اور کھلاڑیوں کے دوستانہ تعلقات ہیں.

اسٹار بھارتی بلے باز نے کرپشن اور فکسنگ پر تبصرہ کرتے ہوئے کہا کہ حکام کرپشن اور فکسنگ کو روکنے کے لئے بہت اچھے اقدامات کررہے ہیں.

انہوں نے کہا کہ حکام کرپشن اور فکسنگ کو روکنے کے لئے قوانین اور پروٹوکول بنا سکتے ہیں لیکن یہ انفرادی شخص پر منحصر ہے کہ وہ اگر غلط کام کرنے کا انتخاب کرتا ہےتو آپ اس کو کنٹرول نہیں کرسکتے.

ویرات کوہلی کا کہنا تھا کہ وہ خوش قسمت ہیں ان کو میچ فکسنگ کے لئے کسی نے رابطہ نہیں کیا.

انہوں نےا پنے والد کی موت کا ذکر کرتے ہوئے کہا کہ مجھے یاد ہے جب میرے والد کی موت ہوئی اس دن میں نے رنجی ٹرافی میں 90 رنز کی ناقابل شکست اننگ کھیلی اور اپنی ٹیم دہلی کو کرناٹک کے خلاف میچ میں فالوآن سے بچایا.

بھارتی بلے باز کا کہنا تھا کہ مجھے وہ رات یاد ہے جب میرے والد کی موت ہوئی وہ وقت میری زندگی کا مشکل ترین وقت تھا تاہم مجھے اگلے ہی صبح کھیل کے لئے بلایاگیا.

انہوں نے کہا کہ کرکٹ میرے لئے کھیل سے بڑھ کر ہے اور میری زندگی میں کرکٹ سب سے ذیادہ اہمیت رکھتی ہے.

ویرات کوہلی نے کہا کہ ان کے والد کی موت نے ان کو ہمت دی کہ وہ اپنے خوابوں کو پورا کرسکیں.

ویرات کوہلی کا کہنا تھا کہ موجودہ کرکٹ انتہائی مشکل ہے اور کھلاڑی کو ہر فارمیٹ میں کھیلنے کے لئے مکمل طور پر فٹ ہونا ہبت ضروری ہے.

Comments

comments

یہ بھی پڑھیں