پاکستانی صحافی زینب عباس کی سیلفیوں نے تہلکہ مچا دیا -
The news is by your side.

Advertisement

پاکستانی صحافی زینب عباس کی سیلفیوں نے تہلکہ مچا دیا

کراچی : پاکستانی صحافی زینب عباس کی سیلفیوں کے چمپیئنز ٹرافی میں خوب چرچے ہورہے ہیں، ان کے ساتھ سیلفی لینے والا کسی بھی ٹیم کا کپتان اگلی گیند پر ہی آؤٹ ہوجاتا ہے اور نہ صرف آؤٹ بلکہ وہ ٹیم ہی میچ ہار جاتی ہے، زینب کو بھارت میں پنوتھی کے لقب سے یاد کیا جاتا ہے۔

تفصیلات کے مطابق نجی ٹی وی چینل کی اسپورٹس اینکر زینب عباس نے بھارت اور سری لنکا کے میچ میں ویرات کوہلی کے ساتھ سیلفی لی اور پھر اسے سوشل میڈیا پر شیئر کردیا، اس کے بعد پاکستان اور جنوبی افریقہ کے میچ سے قبل انہوں نے انگلش کپتان اے بی ڈیویلئر کے ساتھ بھی سیلفی لی جو سوشل میڈیا پر وائرل ہوئی۔

ان سیلفیوں کے بعد بھارت کی ٹیم سری لنکا سے ہار گئی، پھر اسی طرح جنوبی افریقہ کی ٹیم بھی پاکستان کیخلاف اپنے اہم میچ میں شکست سے دوچار ہوئی جس پر سوشل میڈیا پر لوگوں نے بھارت اور جنوبی افریقہ کی ٹیموں کی شکست کو ان سیلفیوں کی وجہ قرار دیا۔

شائقین کرکٹ نے مطالبہ کیا کہ زینب عباس پاکستان اور سری لنکا کے میچ سے قبل سری لنکن کپتان اینجلو میتھیوز کے ساتھ بھی سیلفی لیں، زینب عباس نے ایسا ہی کیا اور اینجلو میتھیو کے ساتھ سیلفی لے کر اسے سوشل میڈیا پر جاری کردیااور پیغام لکھا کہ میں نے تو اپنا کام کردیا اب باقی ذمہ داری پاکستان ٹیم پر عائد ہوتی ہے۔

پھر وہی ہوا جس کا ڈر تھا، سری لنکا کی ٹیم بھی پاکستان کے ہاتھوں اہم میچ گنوا بیٹھی، شائقین نے زینب عباس کا شکریہ ادا کرتے ہوئے کہا کہ زینب کی سیلفی نے اپنا کام کر دکھایا۔

اب دیکھنا یہ ہے کہ چمپیئنزٹرافی کے فائنل میں ویرات کوہلی کی پچھلی سیلفی کام آجائے گی یا زینب کو ایک بارپھر ویرات کوہلی کے ساتھ سیلفی بنانی پڑے گی۔

اس حوالے سے اے آر وائی نیوز سے گفتگو کرتے ہوئے زینب عباس کا کہنا تھا کہ مجھے نہیں پتہ یہ سب کیا ہے پر مجھے تو ہنسی آتی ہے، بہر حال یہ سب محض اتفاق ہے۔

ان کا کہنا تھا کہ میں تو یہ کہو گی کہ اب پاکستان ٹیم کو میری سیلفی کی ضرورت بھی نہیں ہے، ایک موقع پرسری لنکا کے صحافیوں نے مجھے کہا کہ تم ہمارے کیپٹن سے دور رہو، زینب نے بتایا کہ بھارت میں مجھے پنوتھی کہا جاتا ہے کیونکہ شاید میں کالا جادو کرتی ہوں۔

Comments

comments

یہ بھی پڑھیں