site
stats
بزنس

جدہ میں پاکستانی کینو کا ہفتہ منایا جارہا ہے

جدہ : سعودی عرب میں پاکستانی کینو کا ہفتہ منایا جارہا ہے ،فیسٹول 8 فروری تک جاری رہے گا، اس کینوفیسٹول میں لوگوں کی بڑی تعداد نے شرکت کی ، اس مہم کا مقصد سعودی عرب میں پاکستانی کینو کو فروغ دینا ہے۔

جدہ میں پاکستانی قونصلیٹ جنرل کے زیر اہتمام مینوئل سپر مارکیٹ میں” سیٹرس پروموشنل ویک “کا انعقاد کیا گیا، جس میں کئی اقسام کے پاکستانی کینو کو پیش کیا گیا جسے لوگوں نے خوب کھایا۔

جدہ میں پاکستانی قونصلیٹ جنرل کا کہنا ہے کہ اس تقریب کے ذریعے مینوئل سپر مارکیٹ کے ہر سٹورپر پاکستانی کینو دستیاب ہو گا جبکہ جدہ میں مرحبا ہوٹل اور موو اینڈ پک ہوٹل پر معمول کے مطابق پاکستانی کینو مہیا کیا جائے گا۔

kino1

جدہ میں پاکستانی قونصل جنرل شہریار اکبر خان نے اس موقع پر تقریب سے خطاب کرتے ہوئے کہا کہ پاکستان دنیا میں کینو اور مالٹے کی پیداوار کرنے والا چھٹا بڑا ملک ہے جہاں 20لاکھ ٹن کینو پیدا کیا جاتا ہے جبکہ پاکستان میں کینو کے بڑے فارمز موجود ہیں جو اس پھل کو عالمی معیار کے مطابق کاشت کر رہے ہیں۔

انہوں نے مزید کہا کہ اس تقریب کا مقصد سعودی صارفین میں پاکستانی کینو کو متعارف کرانا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top