ریاض : جدہ میں امریکی قونصل خانے کی عمارت کے قریب خودکش حملہ کرنے والے کی شناخت ہوگئی ہے، سعودی حکام نے دعویٰ کیا ہے کہ حملہ آور پاکستانی تھا۔
سعودی وزارت داخلہ نے ٹوئٹ میں کہا کہ جدہ میں واقع امریکی قونصل خانے کی عمارت کے قریب خود کو اڑانے والا خود کش بمبار عبداللہ گلزار خان نامی شخص پاکستانی تھا، اس کی عمر30سال تھی، جو بطور ڈرائیور کام کررہاتھا۔
سعودی وزارت داخلہ کا مزید کہنا تھا کہ عبداللہ گلزار خان 15 ستمبر 1981 کو پیدا ہوا اور وہ اپنی اہلیہ اور اس کے والدین کے ہمراہ گزشتہ 12 سال سے سعودی عرب میں مقیم تھا۔
اتضح من اجراءات التثبت من هوية الانتحاري الذي فجر نفسه بحزام ناسف في جدة بأنه المقيم عبدالله قلزار خان باكستاني . pic.twitter.com/jDNwru17UW
— وزارة الداخلية (@MOISaudiArabia) July 4, 2016
سعودی عرب میں امریکی سفارت خانے نے حملے کے بعد ایک تنبیہ جاری کی ہے جس میں امریکی شہریوں پر زور دیا گیا ہے کہ وہ اپنے گرد و پیش سے باخبر رہیں اور ملک بھر میں سفر کرتے وقت اضافی احتیاطی تدابیر اختیار کریں۔
واضح رہے کہ جدہ میں امریکی قونصل خانے پر حملے میں دو سکیورٹی اہلکار زخمی ہوئے تھے۔