The news is by your side.

Advertisement

پاکستانی مارشل آرٹسٹ نے بھارت سے عالمی ریکارڈ چھین کراپنے نام کرلیا

ایک منٹ میں ہاتھ سے 284 اخروٹ توڑدیے

کراچی: پاکستان کے مارشل آرٹسٹ محمد راشد نے بھارت سے عالمی ریکارڈ چھین کر اپنے نام کرلیا، گنیز بک آف ورلڈ ریکارڈ نے تصدیق کردی۔

تفصیلات کےمطابق پاکستانی مارشل آرٹسٹ محمد راشد نے ہاتھ سے ایک منٹ میں 284 اخروٹ توڑنے کا ورلڈ ریکارڈ قائم کردیا ہے، اس سے قبل یہ ریکارڈ بھارت کے پرابھاکر ریڈی کے پاس تھا۔

بھارت سے تعلق رکھنے والے مارشل آرٹسٹ نے ایک منٹ میں 251 اخروٹ ہاتھ کی ضرب سے توڑ کر گنیز بک آف ورلڈ ریکارڈ میں اپنی جگہ بنائی تھی لیکن پاکستانی مارشل آرٹسٹ محمد راشد نے زیادہ عرصے یہ ریکارڈ ان کے پاس نہیں رہنے دیا۔

محمد راشد نےمجموعی طور 3نئے ورلڈ ریکارڈ بنائے ہیں ، ہاتھ سے اخروٹ توڑنے کے علاوہ انہوں نے ہاتھ میں ایک کلوگرام وزن اُٹھاکر621مکےمارنےکا نیاریکارڈ بھی اپنے نام کرلیا ہے ۔ یہ ریکارڈ اس سے قبل پاکستان سے ہی تعلق رکھنے والے مارشل آرٹسٹ احمد کے پاس تھا جنہوں نے ایک کلو گرام وزن اٹھا کر 561 مکے مارنے کا ریکارڈ قائم کیا تھا۔

یہی نہیں بلکہ محمد راشد نےایک منٹ میں کہنی کی مدد سے195اخروٹ توڑنےکا نیا ورلڈ ریکارڈ بھی بنا لیا۔ پاکستانی مارشل آرٹسٹ راشد نسیم مجموعی طور پر 31 ورلڈ ریکارڈ اپنے نام کرچکے ہیں۔

ان کا کہنا ہے کہ بھارت سے ریکارڈ چھین کر نیا ریکارڈ بنانا مشکل مرحلہ تھا ۔ وسائل نہ ہونے کے باوجود ملک و قوم کا نام روشن کرسکتا ہوں۔ محمد راشد نے اپیل کی کہ اگر حکومت ان سے تعاون کرے تو وہ ملک کے لیے کم از کم سو عالمی ریکارڈ قائم کرنے کی اہلیت رکھتے ہیں۔

محمد راشد نے یہ ریکارڈ رواں سال جولائی میں قائم کیے تھے اور اب گنیز بک آف ورلڈ ریکارڈ نے باقاعدہ انہیں عالمی ریکارڈ تسلیم کرنے کی تصدیق کردی ہے۔

Comments

comments

یہ بھی پڑھیں