site
stats
پاکستان

نوکری کے لیے بیرون ملک جانے والا نوجوان اغوا

مردان:دیار غیر میں نوکری کی غرض سے جانے والا نوجوان اغوا کاروں کے ہتھے چڑھ گیا، اغواکاروں نے رہائی کے عوض 50 ہزار ڈالر تاوان طلب کرلیا۔

اے آر وائی نیوز کو موصولہ اطلاعات کے مطابق مردان کا رہائشی اشفاق نوکری کی غرض سے ڈھائی سال قبل ترکی گیا جہاں وہ اغوا کاروں کے ہتھے چڑھ گیا۔

اغوا کاروں نے اس پر بدترین تشدد کیااور اس کی ویڈیو بنا کر بھیجی اور اس کی رہائی کے عوض 50 ہزار ڈالر تاوان طلب کیا جو ادا کرنا اس کے گھر والوں کے بس کی بات نہیں۔

متاثرہ نوجوان کے ماموں گل محمد نے کہاکہ اشفاق ترکی میں ایک ہوٹل میں کام کرتا تھا جسے اغوا کرلیا گیا اس کی ویڈیوز ہمیں بھیجیں، پہلے کوئی ترکی زبان میں کچھ کہتا ہے بعد میں کوئی پشتو میں اس کا ترجمہ کرتا ہے۔

انہوں نے کہا کہ اتنی بڑی رقم کہاں سے لائیں؟اغوا کار اسے تشدد کا نشانہ بنارہے ہیں، وہ گھر کاواحد کفیل تھا،ترکی سے ہمارے تعلقات اچھے ہیں، وزیراعظم پاکستان اور وزیراعظم ترکی سے اپیل ہے کہ وہ اشفاق کی رہائی میں اپنا کردار ادا کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top