The news is by your side.

Advertisement

چھپ کر اٹلی جانے کی کوشش کرنے والے پاکستانی پکڑے گئے

روم: بہتر مستقبل کیلئے غیر قانونی طریقہ سے یورپ میں داخل ہونے والے پاکستانی تارکین پکڑے گئے۔

تفصیلات کے مطابق اطالوی پولیس نے ملک میں غیرقانونی طور ملک میں داخل ہونے والے تارکین وطن کا ایک گروپ پکڑا ہے، جس میں پاکستانی بھی شامل ہیں، اطالوی خبر ایجنسی کے مطابق اٹلی کے علاقہ Bassa Reggiana میں رومانیہ سے آنے والے ٹرک ڈرائیور نے پیچھے سے کچھ انسانی آوازیں سنیں، جس پر اس نے پولیس کو فون کردیا۔

ٹرک ڈرائیور کی شکایت پر اطالوی پولیس موقع پر پہنچ گئی، اور جب ٹرالر کی تلاشی لی گئی، تو اس میں سامان کے ساتھ 6 تارکین بھی موجود تھے، حکام کے مطابق جن میں سے 4 کا تعلق پاکستان سے ہے۔

ابتدائی اطلاعات کے مطابق پاکستانیوں سمیت یہ تارکین وطن رومانیہ سے ہی ٹرالر میں چھپے تھے، اور ان کی آخری منزل جرمنی تھی۔ اطالوی حکام کے مطابق غیر قانونی داخلے پر ان تارکین کا معاملہ ریجو ایمیلیا کے پراسیکیوشن آفس کے حوالے کیا گیا ہے۔

Comments

یہ بھی پڑھیں