کراچی: ایکشن سسپنس اور وطن پرستی کے جذبات کے موضوع پر بننے والی فلم مالک جمعہ سے ملک بھر کے سینماوں کی ذینت بنے گی۔
فلم کی مقامی سینما میں سجنے والے فلم کے ریڈ کارپٹ اور پریمیئر شو میں جب فلم کی کاسٹ اتری تو شرکاء پلکیں جھپکانا ہی بھول گئے،فلم مالک کا موضوع کرپشن ،سیاست اور ملک میں سرگرم مافیا ہیں جبکہ اس کو بنانے والے ڈرامہ سیریل دھواں کے مرکزی کردار عاشر عظیم ہیں۔
فلم میں پاکستانی نوجوانوں کو وطن پرستی کا درس بھی دیا گیا ہے اور اس کے خاطر کچھ کر دکھانے کا جذبہ بھی اجاگر کیا گیا ہے۔
فلم مالک کی کہانی کا مرکزی کردار افغانستان کے جنگی حالات سے تنگ آنے والے خاندان کے مسائل سے متعلق ایک نوجوان کی ہے۔فلم کی کاسٹ میں ساجد حسن،حسن نیازی،عدنان شاہ ،فرحان علی آغا اور راشدفاروقی شامل ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں