The news is by your side.

Advertisement

گلاسگو کانفرنس : پاکستانی پویلین عالمی رہنماؤں کی توجہ کا مرکز بن گیا

گلاسگو : موسمیاتی تبدیلی سے متعلق گلاسگو کانفرنس میں پاکستانی پویلین عالمی رہنماؤں کی توجہ کا مرکز بن گیا اور پاکستان کی پالیسیوں کی ہرکوئی تعریف کرتا رہا۔

تفصیلات کے مطابق گلاسگومیں موسمیاتی تبدیلی کی عالمی کانفرنس کوپ 26 جاری ہے ، گلاسگو کانفرنس میں پاکستانی پویلین عالمی رہنماؤں کی توجہ کا مرکز بن گیا۔

دنیا پاکستان کی ذمہ دارانہ نیوکلیئر پالیسی کی معترف نظر آئی ، عالمی رہنماؤں نے پاکستانی پویلین کا دورہ اور دلچسپی کا اظہار کرتے ہوئے پویلین میں پاکستان کی ماحولیات پالیسی کی معلومات بھی لیں۔

جرمن چانسلر ،متحدہ عرب امارت کے وزیر ماحولیاتی تبدیلی نے پویلین دیکھا جبکہ عالمی بینک، ایشیائی ترقیاتی بینک،اسلامی ترقیاتی بینک کےصدور سمیت ڈی جی ریلیف انٹرنیشنل اٹامک انرجی ایجنسی نے پاکستانی پویلین کا دورہ کیا۔

ڈی جی ریلیف انٹرنیشنل اٹامک انرجی ایجنسی نے پاکستان کے ذمہ دارانہ نیوکلیئر ملک ہونے کا اعتراف کرتے ہوئے دورہ اورمدد کی بھی پیشکش کی۔

وزیرموسمیاتی تبدیلی ملک امین اسلم کی سائیڈلائن پر عالمی رہنماؤں سے ملاقاتیں ہوئی ، ملک امین اسلم سے جرمن چانسلر نےملاقات کی، جس میں پاکستانی کی پالیسیوں کو سراہا گیا۔

عالمی کانفرنس میں پاکستان کی پالیسیوں کی ہرکوئی تعریف کرتا رہا ، ایشیائی ترقیاتی بینک کے صدرماسات سوگا نے ملک امین اسلم سے ملاقات کی اور ماحول دوست پالیسی سےمتعلق نکتہ نظرجانا۔

صدرایشیا بینک کی جانب سے پاکستان کی گرین اکانومی کی تعریفیں کرتے ہوئے انرجی ٹرانزیشن میکانزم میں شرکت کی دعوت دی۔

اسلامی ترقیاتی بینک کے صدر نے ملاقات میں موسمیاتی تبدیلی کےاقدامات کوسراہا اور اسلامی ترقیاتی بینک پاکستان کےساتھ کلائمٹ فنانس کےاشتراک کے لئے تیار ہوگیا۔

ملک امین اسلم نے کہا پاکستان گلوبل وارمنگ سے متاثرہونےوالاملک ہے، گلیشئرغیرمعمولی طریقے سے پگھل رہےہیں، پاکستان ماحول دوست پالسی میں بھی سب سےآگے ہے۔

Comments

یہ بھی پڑھیں