پاکستانی صارفین نےگوگل پرکِن شخصیات کو سرچ کیا -
The news is by your side.

Advertisement

پاکستانی صارفین نےگوگل پرکِن شخصیات کو سرچ کیا

گوگل نے رواں سال کے اختتام سے کچھ روز قبل ایک سالانہ رپورٹ جاری کردی ہے، رپورٹ میں پاکستانی صارفین کے حوالے سے بھی دلچسپ اعداد و شمار بتائے گئے ہیں اس حوالے سے ایک فہرست ایسے ملکی اور غیر ملکی شخصیات کی مرتب کی ہے جنہیں پاکستانی صارفین کی کثرت نے گوگل پر سرچ کیا اور ان سے متعلق معلومات تک رسائی حاصل کی۔

گوگل کی انتظامیہ کی جانب سے جاری کی گئی رپورٹ کے مطابق پاکستان کی جانب سے سب زیادہ لوگوں نے کھیل سے متعلق خبروں کو سرچ کیا گیا جب کہ مختلف شخصیات اور ایونٹس کو بھی سرچ کیا گیا۔

پاکستانی صارفین کی جانب سے جن ملکی اور غیر ملکی شخصیات کو گوگل پر سرچ کیا گیا ان کی فہرست دیکھ اندازہ لگایا جا سکتا ہے کہ لوگوں نے شوبز، سیاست اور سماجی رہنماؤں کو سرچ کیا ان میں وہ شخصیات بھی شامل ہیں جو اب ہم میں نہیں رہے۔

پاکستان سے تعلق رکھنے والی شخصیات

عبدالستارایدھی

معروف سماجی کارکن اورایدھی فاؤنڈیشن کے سربراہ عبدالستار ایدھی اپنے سماجی کاموں کے باعث عالمی شہرت رکھتے تھے،وہ پہلے پاکستانی شخصیت تھے جنہوں نے ملک میں پہلی نجی ایمبولینس سروس کا آغاز کیا اور  لاوارث لاشوں کو اُٹھانے اور تجہیز و تدفین کی ذمہ داری بھی اُٹھی جب کہ لاوارث بچوں کی پرورش، اور ذہنی امراض میں مبتلا افراد کی دیکھ بھال کے لیے اپنی نوعیت کے منفرد پروجیکٹس شروع کیئے ۔

edhi

عبدالستار ایدھی رواں سال  88 سال کی عمر میں خالقَ حقیقی سے جاملے وہ گردے کے عارضہ میں مبتلا تھے انہیں حکومت اور کئی مخیر افراد کی جانب سے بیرون ملک علاج کی پیشکش کی گئی لیکن انہوں نے علاج معالجے کے لیے اپنے وطن کو ہی چنا ۔

امجد صابری

 کراچی سے تعلق رکھنے والے معروف قوال امجد صابری کو رمضان ٹرانشمیشن میں شرکت سے واپسی پر لیاقت آباد کے علاقے میں دہشت گردی کا نشانہ بنایا گیا انہیں شدید زخمی حالت مین اسپتال منتقل کیا گیا تا ہم وہ جانبر نہ ہو سکے۔

amjad-sabri

امجد صابری روایتی قوالی میں جدید موسیقی کے امتزاج کے سرخیل تھے اس کے علاوہ وہ اپنے شہر کی معروف سماجی شخصیت بھی تھے انہوں نے کئی بین الاقوامی موسیقاروں کے ساتھ مل کے بھی کام کیا ان کی پڑھی گئی قوالیاں دنیا بھرمیں ذبان زد عام ہیں۔

قندیل بلوچ

سوشل میڈیا کے ذریعے شہرت کی بلندیوں پر پہنچنے والی ماڈل قندیل بلوچ کو اس سال کے آغاز میں مبینہ طورپرغیرت کے نام پران کے بھائی نے قتل کردیا گیا تھا۔

qandeel-baloch

قندیل بلوچ اپنے متنازعہ لباس ، قابل اعتراض ماڈلنگ اور سوشل میڈیا پر سیاسی شخصیات کو شادی کی پیشکش کرنے کے حوالے سے ہمیشہ خبروں کی زینت بنتی رہیں جب کہ ان کے قتل کی خبر بھی بڑی خبربن گئی ۔

ممتاز قادری

گورنر پنجاب سلمان تاثیر کو 2011 میں فائرنگ کر کے ہلاک کرنے والے ممتاز قادری کو اس سال عدالت کی جانب سے دی گئی سزائے موت پر پھانسی دی گئی ان کے نمازہ جنازہ میں لاکھوں افراد نے شرکت کی اور بعد ازاں اسلام آباد سمیت ملک کے ہر بڑے شہر میں سخت احتجاج بھی کیا گیا تھا ۔

mumtaz-qadri

مومنہ مستحسن

پاکستانی گلوکارہ مومنہ مستحسن کو شہرت کی بلندی کوک اسٹوڈیو میں آفرین آفرین گانے کی ویڈیو ریلیز ہونے کے بعد ملی جس کے بعد وہ شوبز کی مشہور شخصیت بن گئی اور گوگل میں سرچ کی جانے والی پاکستانی اہم شخصیات میں جگہ بنا لی۔

momina-mustehsan

مومنہ مستحسن کی شادی کے حوالے سے متضاد خبروں نے بھی انہیں خبروں میں زندہ رکھا یہی وجہ ہے جیسے ہی ان کہ منگنی خبر اور تصاویرشائع ہوئیں جسے گوگل پر کافی لوگوں کی جانب سے سرچ کیا گیا۔

غیر ملکی شخصیات

ڈونلڈ ٹرمپ

سال 2016 میں ہونے والے امریکی صدر کے لیے انتخابات کا جادو پاکستانیوں پربھی سرچڑھ کے بولتا رہا ، پاکستان اور مسلمان مخالف بیانات سے شہرت پانے والے ڈونلڈ ٹرمپ کو پاکستانی صارفین کی کثیر تعداد نے سرچ کیا اوران سے متعلق خبروں، معلومات اور خیالات تک رسائی حاصل کی۔

trump

ہیلری کلنٹن

امریکی صدارتی انتخاب اس سال گرم ترین خبر رہی ہیں یہی وجہ ہے کہ ڈونلڈ ٹرمپ کے مد مقابل حریف ہیلری کلنٹن کو بھی پاکستان سے تعلق رکھنے والے گوگل صارفین نے بڑی تعداد میں سرچ کیا، پاکستانی صارفینن نے ہیلری کلنٹن سے متعلق خبروں اور معلومات سے آگاہی حاصل کی۔

hillary-clinton

میلا نیا ٹرمپ

نو منتخب امریکی صدر ڈونلڈ ٹرمپ کی اہلیہ میلانیا ٹرمپ کو بھی پاکستانی صارفین نے گوگل پر سرچ کیا، میلانیا امریکی صدر کی اہلیہ بننے سے قبل معروف ماڈل کی حثیت سے بھی کافی شہرت رکھتی تھیں اور اب اپنے سماجی کاموں کی وجہ سے لوگوں کی توجہ کا مرکز بنی ہوئی ہیں ۔

melania-trump

ڈی جے براوو

اپنے گانے چمپیئن سے بام شہرت کو چھونے والے ڈیوائن براوو کو بھی پاکستانی عوام نے گوگل پر سرچ کیا کئی صارفین نے ان کے نغمے ڈاون لوڈ کیئے اور ان کی موسیقی سے محظوظ ہوئے جب کہ لوگوں کی کثیر تعداد نے ان کی ذاتی زندگی کے بارے میں معلومات حاصل کیں۔

dj-bravo

پرتُیوشا بنرجی

pratyusha-benergee

بھارتی ٹیلی ویژن کے معروف پروگرام بگ باس سے شہرت حاصل کرنے والی پرتُیوشا بنرجی نے اپریل 2016 میں مبینہ طور پر اپنے گھر میں خود کشی کر لی تھی، اس خبر کے عام ہوتے ہیں گوگل پر پاکستانیوں کی بڑی تعداد نے انہیں سرچ کیا اور ان سے متعلق خبروں کو پڑھا۔

Comments

comments

یہ بھی پڑھیں