(6 نومبر 2025): فیصل آباد میں پاکستانی کرکٹ ٹیم کے کھلاڑیوں نے کرکٹ بیٹ چھوڑ کر ریکٹ اٹھالیے جس کی ویڈیو سوشل میڈیا پر وائرل ہوگئی۔
پاکستان ٹیم نے گزشتہ روز پریکٹس کے بجائے آرام کرنے کو ترجیح دی جبکہ جنوبی افریقی ٹیم نے ایک گھنٹے کا آپشنل ٹریننگ سیشن رکھا تھا۔
From cricket bats to tennis racquets Pakistan ODI players enjoy a tennis session off the field #PAKvSA | #GreenPeYaqeen pic.twitter.com/aQXuoZiDZ6
— Pakistan Cricket (@TheRealPCB) November 5, 2025
پی سی بی کی جانب قومی ٹیم کے کھلاڑیوں کی ویڈیو سامنے آئی ہے جس میں آف ڈے پر قومی کھلاڑیوں کے درمیان ٹینس کورٹ میں مقابلہ ہوا۔
قومی ٹیم کے کھلاڑیوں نے فارغ اوقات میں تفریح کے لیے ٹینس کھیلا، بابر اعظم، صائم ایوب، محمد رضوان، کپتان شاہین آفریدی اور حارث رؤف سمیت دیگر ایکشن میں نظر آئے۔
یاد رہے کہ ایک روز آرام کے بعد پاکستانی ٹیم جنوبی افریقہ کے خلاف آج دوسرا میچ کھیلےگی، جبکہ تیسرا ون ڈے 8 نومبر کو کھیلا جائے گا، پاکستان کو تین ون ڈے میچز پر مشتمل سیریز میں ایک صفر کی برتری حاصل ہے۔
