عبدالستارایدھی کے انتقال پر کھلاڑی بھی افسردہ -
The news is by your side.

Advertisement

عبدالستارایدھی کے انتقال پر کھلاڑی بھی افسردہ

کراچی : عبدالستار ایدھی اب اس دنیا میں نہیں رہے لیکن ان کے چاہنے والے ملک کے کونے کونے میں بستے ہیں، ان کے انتقال پر جہاں اداکار، فنکار سوگوار ہیں، وہیں پاکستانی کھلاڑی بھی افسوس کا اظہار کر رہے ہیں۔

گزشتہ روز عبدالستار ایدھی 88 برس کی عمر میں انتقال کر گئے تھے، وہ گردوں کے عارضے میں مبتلا تھے۔

پاکستانی کھلاڑیوں نے سماجی رابطے کی ویب سائٹ ٹوئٹر پر عبد الستار ایدھی کے انتقال پر دکھ کا اظہار کرتے ہوئے خراج عقیدت پیش کررہے ہیں۔

پاکستانی نژاد برطانوی باکسر عامر خان نے عبدالستارایدھی کو خراج عقیدت پیش کرتے ہوئے کہا کہ انسانیت کیلئے ایدھی صاحب کی خدمات مثالی ہیں۔

کرکٹ ٹیم کے کپتان مصباح الحق کا کہنا ہےعبدالستار ایدھی کے انتقال کی خبر نے افسردہ کردیا۔ انسانیت کی خدمت ایدھی صاحب سے بہتر کوئی بھی نہیں کرسکتا

سابق کپتا ن وسیم اکرم کا کہنا ہے کہ کوئی ہمیشہ زندہ نہیں رہتا لیکن ایدھی صاحب ہمیشہ ہمارے دلوں میں زندہ رہیں گے۔

ف اسپنر سعید اجمل کا کہنا ہے کہ عبدالستار ایدھی نے بے شمار زندگیاں بچائیں۔ لاکھوں لوگوں کو سہارا دیا۔ اللہ ان کے درجات بلند کرے۔

سابق پاکستانی فاسٹ بولروقار یونس نے کہا عبدالستار ایدھی سب کے ہیرو تھے، ان کا انتقال بہت بڑا نقصان ہے، دنیاعظیم انسان سے محروم ہوگئی۔

Comments

comments

یہ بھی پڑھیں