The news is by your side.

Advertisement

نیزہ بازی ورلڈکپ جیتنے کیلیے پاکستانی کھلاڑیوں نے کمر کس لی

نیزہ بازی ورلڈ کپ جیتنے کے عزم کے ساتھ پاکستان نیزہ بازی ٹیم نے کمر کس لی، کھلاڑیوں نے غیر ملکی کوچ سے تربیت لینا شروع کردی ہے۔

اے آر وائی نیوز کے مطابق جنوبی افریقہ سے تعلق رکھنے والی آئی ٹی ایف ورلڈ کلاس کوچ ڈیلائن پخشا ماڈرن پاکستانی کھلاڑیوں کی کوچنگ کررہے ہیں۔

اس سلسلے میں جھنگ میں تربیتی کیمپ لگایا گیا ہے جہاں ڈیلائن پخشا پاکستانی نیزہ بازوں کو تربیت دے رہے ہیں۔

اس حوالے سے جنوبی افریقی کوچ ڈیلائن کا کہنا ہے کہ پاکستانی کھلاڑی نیزہ بازی ورلڈ کپ جیتنے کی مکمل صلاحیت رکھتے ہیں، جب کہ پاکستان نیزہ بازی ٹیم کے کپتان نے کہا کہ جنوبی افریقی کوچ ماڈرن انداز سے کوچنگ کررہی ہیں۔

واضح رہے کہ نیزہ بازی کا ورلڈکپ آئندہ سال جنوبی افریقہ میں کھیلا جائے گا جبکہ نیزہ بازی ورلڈ کپ کوالیفائرز پاکستان میں ہونگے۔

Comments

یہ بھی پڑھیں