کراچی : پاکستان کھانوں کی پوری دنیا میں الگ ہی پہچان ہے، پاکستانی کھانے اپنے اعلیٰ معیار اور لذت کی وجہ سے پوری دنیا میں بے حد مشہور ہیں، یہی وجہ ہے کہ دنیا کے تقریباً تمام ممالک میں پاکستانی کھانے باآسانی دستیاب ہیں۔
دنیا بھر میں سیر و سیاحت کے لیے ویسے تو بے شمار مقامات ہیں مگر ہر ملک کے باشندوں کی اس حوالے سے پسند اپنی اپنی ہوتی، متحدہ عرب امارات کے اہم تجارتی اور سیاحتی مرکز "دبئی” کو ویسے ہی سیاحوں کی جنت کہا جاتا ہے۔
ویسے تو پاکستانی کھانوں کو ان کے ذائقوں کے لئے جانا جاتا ہے لیکن نئے سال کا جشن منانے آپ اگر متحدہ عرب امارات جانے کا ارادہ رکھتے ہیں تو ہم متحدہ عرب امارات میں واقع چند بہترین پاکستانی ریسٹورنٹ کے بارے میں بتائیں گے جن کے کھانے انتہائی مزیدار اور پسند کیے جاتے ہیں۔
باربی کیو ڈیلائٹس
اس ریسٹورنٹ میں باربی کیو ڈشز کے ساتھ ساتھ دوسرے کھانے بھی انتہائی مزیدار اور لذیذ ہیں، اس ریسٹورنٹ کی سب سے خاص ڈش ریشمی کباب ہے یہاں کے مٹن کباب اور خوشبودار چکن بریانی، مسالے دار چکن کے ٹینڈراور چکن بہاری کباب بہت لذیذ ہیں، آپ جب بھی متحدہ عرب امارات آئے تو اس ریسٹورنٹ ضرور جائے۔
لال قلعہ
مغلیائی کھانوں کی شہرت رکھنے والے معروف ریسٹورنٹ لال قلعہ روایتی کھانے آفر کرتا ہے ، جس میں روسٹڈ لیب ، مٹن پائے، مغلیئی چکن کڑیجبکہ میٹھے میں جلیبی ، شاہی ٹکڑے اور کھیر بہت مشہور ہے۔
آپ اس ریسٹورنٹ کے آرام دہ ماحول میں تندوری اور بریانی بھرپور لطف اٹھا سکتے ہیں، اس ریسٹورنٹ کی سب سے خاص اور پسندیدہ ڈش مغلئی پلاؤ ہے۔
ال ابراہیمی
متحدہ عرب امارات میں واقع یہ ریسٹورنٹ بھی پاکستانی کھانوں کی وسیع ورائٹی رکھنے کے حوالے سے کافی مقبول ہے اور اس کے تمام کھانے ہی انتہائی لذیذ ہیں، کھانے میں چکن تکہ ، شامی کباب ، تندوری فش تکے سے لے کر چکن اچاری کڑاہی اور حلوہ سجی بہت مشہور ہے۔
اس ریسٹورنٹ کی خاص ڈش بون لیس چکن ہے، اگر کبھی اس ریسٹورنٹ جانا ہو تو اس ڈش کو ضرور اپنے کھانوں میں شامل کریں۔
اسٹودنٹ بریانی
دبئی میں پاکستان کے سب سے زیادہ مشہور ریسٹورنٹ اسٹوڈنٹ بریانی کچھ سال قبل ہی کھولا گیا، اور بریانی کو پسند کرنے والوں کیلئے ایک پسندیدہ جگہ بن گئی ہے، یہاں کی چکن، مٹن کے ساتھ ساتھ ویجیٹبل بریانی کے ساتھ رائتہ ہو تو دیکھتے ہی منہ میں پانی آجاتا ہے جبکہ کھیر کی تو الگ ہی بات ہے ۔
راوی ریسٹورنٹ
راوی ریسٹورنٹ دبئی کے لوگوں کی پسندیدہ جگہ ہے ، جہاں ہر وقت لوگوں اور سیاحون کا رش لگا رہتا ہے، آپ جب بھی دبئی آئے تو اس ریسٹورنٹ میں جانا نہ بھولے، یہاں تندوری چکن تکہ سے لے کر نہاری اور حلیم بہت ہی مشہور ہے، جو مزیدار بھی ہے اور جیب پر بھاری بھی نہیں۔
ڈیلی ریسٹورنٹ
یہ ریسٹورنٹ اپنے سادہ٬ سستا لیکن انتہائی منفرد پاکستانی کھانوں کی وجہ سے مشہور ہے، اس ریسٹورنٹ کی خاص ڈش فش بوٹی تکہ ہے، یہاں کا دال گوشت ، چکن قرمہ ، مٹن پائے کے علاوہ یہاں کی چکن اور مٹن بریانی کی تو بات ہی الگ ہے۔
ہفتے کے اختتام مزیدار کھانوں کا لظف اٹھانے کیئے یستوران کے باہر لمبی قطاریں لگ جاتی ہے۔
لاہور دربار
اگر آپ لاہوری کھانوں کا مزا لینا چاہتے ہیں تو پھر لاہور دربار چلے جائیے- یہاں مٹن اور چکن کے آئٹم خاص طور پر تیار کیے جاتے ہیں جبکہ اس ریسٹورنٹ کی سب سے خاص ڈش چکن پشاوری ہے جسے سب سے زیادہ پسند کیا جاتا ہے۔
میرٹھ کباب
کباب کے دیوانوں کے لیے دبئی میں واقع ایک اور ریسٹورنٹ٬ یہاں بھی آپ کو مزیدار کباب کھانے کو مل سکتے ہیں، اس ریسٹورنٹ کی سب سے زیادہ پسند کی جانے والی اسپیشل ڈش چکن گولا کباب ہے۔
ہاٹ این اسپائسی
شامی کباب اور چکن بریانی اس ریسٹورنٹ کے وہ مزیدار کھانے ہیں جنہیں دیکھتے ہی منہ میں پانی آجاتا ہے اور آپ انہیں تب تک کھاتے رہیں گے جب تک کہ آپ کی جی نہیں بھر جاتا۔
کراچی دربار
دبئی میں واقع اس ریسٹورنٹ میں آپ کو کئی مزیدار کھانے مل سکتے ہیں جیسے کہ چکن تکہ٬ سیخ کباب٬ نان٬ روٹی٬ بٹر چکن اور بہت کچھ- اس ریسٹورنٹ کی سب سے خاص ڈش مٹن کڑاہی ہے، یہاں کے مزیدار کھانے آپ کی ادا کی جانے والی رقم کا نعم البدل ہیں۔