ریاض: سعودی عرب کی مارکیٹ میں پاکستانی چاول کی فروخت میں 25 فی صد اضافہ ہو گیا ہے۔
تفصیلات کے مطابق رواں سال سعودی مارکیٹ میں پاکستانی چاول کی برآمدات 4 ارب ڈالر تک پہنچ گئی ہیں، جب کہ 2025 تک پاکستانی چاول کی برآمدات 4.5 ارب ڈالر تک پہنچنے کی توقع کی جا رہی ہے۔
سعودی صارفین میں پاکستانی چاول کے معیار کی مقبولیت بڑھ گئی ہے، جب کہ سعودی مارکیٹ میں پاکستانی رائس ایکسپورٹرز کی حکمت عملی پر کام جاری ہے۔ اس سلسلے میں رائس ایکسپورٹرز کے ایک وفد نے سعودی بزنس رہنماؤں سے ملاقات کی، اور باہمی تعاون پر اتفاق کیا گیا۔
سعودی، پاکستانی بزنس کونسل کے چیئرمین نے پاکستانی چاول کی تعریف کی، جب کہ سعودی چاول مارکیٹ میں اپنی پوزیشن مضبوط کرنے کے لیے پاکستان نے اپنے عزم کا اظہار کیا۔
واضح رہے کہ پاکستان کے ساتھ سعودی عرب کے شروع سے خصوصی تعلقات قائم ہیں۔ پاکستان اور سعودی عرب میں دوستی کا پہلا معاہدہ شاہ ابن سعود کے زمانے میں 1951 میں ہوا تھا، اور شاہ فیصل کے دور میں ان تعلقات کو بہت فروغ ملا۔
کینو کی ایکسپورٹ میں بڑی کمی کا خدشہ
ماضی میں پاکستان اور سعودی عرب کے درمیان دوطرفہ تجارت 3.5 ارب امریکی ڈالر رہی ہے، پاکستان بنیادی طور پر پیٹرولیم مصنوعات، پلاسٹک کی اشیا، نامیاتی کیمیکل اور کھاد سعودی عرب سے درآمد کرتا ہے اور سعودی عرب کو اناج، گوشت، ٹیکسٹائل، مشروبات، پھل اور سبزیاں برآمد کرتا ہے۔
