The news is by your side.

Advertisement

انٹربینک اور اوپن مارکیٹ میں ڈالر کی تنزلی

کراچی: انٹربینک اور اوپن مارکیٹ میں روپے کی قدر مستحکم ہوئی اور ڈالر کی تنزلی کا سفر جاری رہا۔

تفصیلات کے مطابق انٹربینک میں ڈالر چالیس پیسے کم ہوکر 158.25 روپے پر بند ہوا۔ ماہر معاشیات کے مطابق 8 روز میں انٹربینک میں ڈالر 2 روپے 20 پیسے سستا ہوا۔

مزمل اسلم کے مطابق عیدالاضحیٰ پر بیرونِ ملک پاکستانیوں کی جانب سے ڈالر بھیجنے کا سلسلہ جاری ہے، ترسیلات کی وجہ سے روپے کی قدر بہتر اور امریکا کی کرنسی کمزور ہورہی ہے۔

دوسری جانب انٹربینک کے بعد اوپن مارکیٹ میں بھی ڈالر سستا ہوا، اوپن مارکیٹ میں ڈالر کی قیمت 20 پیسے کم ہوئی۔

ایکسچینج کمپنیز ایسوسی ایشن کے مطابق اوپن مارکیٹ میں ڈالر 158 روپے 90 پیسے سے کم ہوکر 158 روپے 70 پیسے تک پہنچا۔

یاد رہے کہ گزشتہ روز بھی انٹر بینک اور اوپن مارکیٹ میں روپے کی قدر مستحکم ہوئی تھی۔

Comments

comments

یہ بھی پڑھیں