site
stats
کھیل

پاکستانی فوج سے تربیت یافتہ نشانے باز کھلاڑی ریو اولمپکس میں جیت کے لیے پُر عزم

اسلاآباد : ریو اولمپکس میں شرکت کے لیے جانے والے پاکستانی دستے میں شامل دو نشانہ باز کھلاڑیوں نے پاکستان آرمی سے تربیت حاصل کی ہے،دونوں کھلاڑی اپنی جیت کو پاکستان فوج کے نام کرنے کو بے تاب ہیں۔

تفصیلات کے مطابق ریو اولمپکس میں حصہ لینے والے پاکستانی میں شامل دو نشانے باز کھلاڑی 29 سالہ غلام مصطفیٰ بشیر اور 21 سالہ طالبہ منحال سہیل بھی شامل ہیں،دونوں نوجوان ریو اولمپک کے ’’شوٹنگ ایونٹ‘‘ میں پاکستان کی نمائندگی کریں گے جس کے لیے انہوں نے پاکستانی نیوی فوج کے زیر نگرانی نشانے بازی میں مہارت حاصل کی ہے۔

واضح رہے غلام مصطفیٰ بشیر مردوں کے ہونے والے 25 میٹر ’’رپیڈ فائر پستول‘‘ جب کہ منحال سہیل خواتین کے 10 میٹر ’’ایئر رائفل‘‘ میں حصیہ لیں گی،دونوں ماہر نشانہ بازوں کو پاکستان نیوی کی تربیت حاصل ہے۔

rio pak 3

غلام مصطفیٰ نیوی کے ملازم ہیں جب کہ منحال سہیل پاکستان نیوی آفیسر کی صاحبزادی ہیں،منحال سہیل نے تربیت نیوی کےگرمیوں کی تعطیلات میں لگائے ایک کیمپ میں حاصل کی،یہ کیمپ پاکستان کے سب سے بڑے شہر کراچی میں لگایا گیا تھا۔کیمپ میں تربیت کے بعد منحال سہیل نے ایشیاء میں ہونے والے کئی مقابلوں میں پاکستان کی نمائندگی کر چکی ہیں،اولمپک کھیلوں میں شرکت کو انہوں نے زندگی کا سب سے حسین اور نادر موقع قرار دیا۔

Ghulam Mustafa Bashir aims his pistol during a practice session at the Pakistan Navy Shooting Range in Karachi

اسی طرح پاکستانی دستے میں شامل غلام مصطفیٰ نے غیر ملکی خبر رساں ایجینسی سے بات کرتے ہوئے کہا کہ شوٹنگ کے شعبے میں پاکستان نیوی کی خدمات کو سراہا انہوں نے کہا کہ پاکستان نیوی نے اس شعبے میں سب سے پہلے الیکٹرانک ٹارگٹ کی تکنیک کو متعارف کرایا اور گزرتے وقت کے ساتھ ساتھ اس میں جدت لاتے رہے۔

خیال رہے پاک فوج کے ادارے اور اُن کی تربیت مایوس کھلاڑیوں کے لیے واحد امید بنتی جا رہی ہے بالخصوص اُس وقت جب کہ حکومتی اور نجی ادارے ذبوں حالی کا شکار ہیں تو ایسے میں پاک فوج کی تربیت کھلاڑیوں کے بلند حوصلے اور مہارت کا باعث بنتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top