The news is by your side.

کویت ایئر پورٹ پر تین روز سے پھنسے پاکستانیوں کو بورڈنگ پاس جاری

کراچی: کویت ایئر پورٹ پر تین روز سے محصور ہوئے پاکستانیوں کی سن لی گئی،پاکستانی سفارتی عملہ کویت ایئر پورٹ پہنچ گیا، مسافروں سے ملاقات کے بعد بورڈنگ پاسز بھی جاری کر دیے گئے۔

تفصیلات کے مطابق اے آر وائی نیوز کویت میں پھنسے پاکستانیوں کی آواز بن گیا، سفارت خانے کی مداخلت پر کویت سے لاہور آنے والے مسافروں کو بورڈنگ پاس جاری کر دیا گیا۔

ایئر پورٹ پر محصور پاکستانیوں کی واپسی کا عمل پیر تک مکمل ہونے کا امکان ہے۔

ترجمان دفتر خارجہ

کویت میں پھنسے مسافروں کو وطن لانے کے لیے پرواز کویتی وقت کے مطابق رات 10 بجے لاہور کے لیے روانہ ہوگی۔

خیال رہے کہ مسافر تین روز قبل امریکا سے براستہ کویت لاہور آ رہے تھے تاہم موسم کی خرابی کے باعث ایئر پورٹ پر محصور ہو کر رہ گئے تھے۔

کویتی ایئر پورٹ پر پھنسے پاکستانیوں کا کوئی پُرسانِ حال نہیں تھا، مسافروں میں بزرگ، خواتین اور بچے شامل ہیں جو تین دن سے ایئر پورٹ پر اذیت جھیل رہے ہیں۔

واضح رہے کہ سعودی عرب، کویت، اور اردن میں طوفانی بارشوں اور سیلاب نے تباہی مچائی ہے جس کے باعث درجنوں افراد جاں بحق ہو چکے ہیں اور نظامِ زندگی مفلوج ہو کر رہ گیا ہے۔

دوسری طرف ترجمان دفترِ خارجہ نے کہا ہے کہ کویتی ایئر پورٹ بارشو ں میں ایمرجنسی کے نفاذ کے باعث بند کیا گیا، ائیر پور ٹ بند ہونے سے پا کستان آ نے والی 3 پروازیں منسوخ ہوئیں، جس کی وجہ سے پاکستان آنے والے مسافر محصور ہوئے۔


یہ بھی پڑھیں:  سعودی عرب، کویت، اردن میں طوفانی بارشوں اور سیلاب سے تباہی، درجنوں افراد جاں بحق


ترجمان نے کہا کہ کویت میں پاکستانی سفارت خانے کا عملہ ائیر لائن عملے سے رابطے میں ہے، کچھ پاکستانیوں کو آج را ت وطن واپس پہنچا دیا جائے گا، ایئر پورٹ پر محصور پاکستانیوں کی واپسی کا عمل پیر تک مکمل ہونے کا امکان ہے۔

ترجمان کے مطابق کچھ افراد کو کل آنے والی پرواز میں ایڈجسٹ کیا جائے گا، جب کہ سفارتی عملہ ضروریات پوری کرنے کے لیے مسافروں سے رابطے میں ہے، کویت میں پاکستانی سفارت خانے کے 2 افسران مستقل ایئر پورٹ پر موجود ہیں۔

Comments

یہ بھی پڑھیں